ਯੂਟਿਊਬਰ Ranveer Allahbadia ਸਾਈਬਰ ਹਮਲੇ ਦਾ ਸ਼ਿਕਾਰ, ਚੈਨਲ ਹੈਕ, ਸਾਰੇ ਵੀਡੀਓ ਡਿਲੀਟ
ਮਨੋਰੰਜਨ ਜਗਤ ਦੀਆਂ ਮਸ਼ਹੂਰ ਹਸਤੀਆਂ ‘ਤੇ ਸਾਈਬਰ ਹਮਲਿਆਂ ਦੇ ਮਾਮਲੇ ਦਿਨੋਂ-ਦਿਨ ਵਧਦੇ ਜਾ ਰਹੇ ਹਨ। ਹੁਣ ਇਸ ਮਾਮਲੇ ‘ਚ ਨਵਾਂ ਸ਼ਿਕਾਰ ਭਾਰਤ ਦਾ ਮਸ਼ਹੂਰ ਯੂਟਿਊਬਰ Ranveer Allahbadia ਹੋਇਆ। ਦੱਸਿਆ ਜਾ ਰਿਹਾ ਹੈ ਕਿ ਹੈਕਰਾਂ ਨੇ ਉਸ ਦਾ ਯੂ-ਟਿਊਬ ਚੈਨਲ BeerBiceps ਹੈਕ ਕਰ ਲਿਆ ਹੈ।
ਇੰਨਾ ਹੀ ਨਹੀਂ ਉਸ ਦੇ ਚੈਨਲ ਦੇ ਸਾਰੇ ਵੀਡੀਓਜ਼ ਨੂੰ ਵੀ ਡਿਲੀਟ ਕਰ ਦਿੱਤਾ ਗਿਆ ਹੈ ਅਤੇ ਚੈਨਲ ਦਾ ਨਾਂ ਵੀ ਬਦਲ ਦਿੱਤਾ ਗਿਆ ਹੈ। ਰਣਵੀਰ ਨੇ ਵੀ ਇਸ ਮਾਮਲੇ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਖਬਰਾਂ ਮੁਤਾਬਕ Ranveer Allahbadia ਦਾ ਨਾਂ ਦੇਸ਼ ਦੇ ਮਸ਼ਹੂਰ ਯੂਟਿਊਬਰਜ਼ ‘ਚ ਸ਼ਾਮਲ ਹੈ। ਉਸਨੇ ਪੌਡਕਾਸਟਾਂ ਦੇ ਰੁਝਾਨ ਨੂੰ ਸੱਚਮੁੱਚ ਅੱਗੇ ਵਧਾਇਆ ਹੈ, ਪਰ ਫਿਲਹਾਲ ਉਹ ਸਾਈਬਰ ਹਮਲੇ ਦਾ ਸ਼ਿਕਾਰ ਹੋਇਆ। ਉਸ ਦੇ ਯੂਟਿਊਬ ਚੈਨਲ BeerBiceps ਨੂੰ ਸਰਚ ਕਰਨ ‘ਤੇ ਇਹ ਪੇਜ not available ਲਿਖਿਆ ਹੋਇਆ ਹੈ।
ਇਸ ਤੋਂ ਇਲਾਵਾ ਹੈਕਰਾਂ ਨੇ ਉਸ ਦੇ ਚੈਨਲ ‘ਤੇ AI ਜਨਰੇਟਿਡ ਵੀਡੀਓ ਵੀ ਚਲਾ ਦਿਤੀਆਂ ਸੀ। ਨਾਲ ਹੀ ਰਣਵੀਰ ਦੇ ਚੈਨਲ ਦਾ ਨਾਂ ਬਦਲ ਕੇ ਟੇਸਲਾ ਕਰ ਦਿੱਤਾ ਗਿਆ ਹੈ। ਬੀਅਰ ਬਾਇਸਪਸ ਚੈਨਲ ‘ਤੇ ਸਾਰੇ ਵੀਡੀਓਜ਼ ਨੂੰ ਹਟਾ ਦਿੱਤਾ ਗਿਆ ਹੈ ਅਤੇ ਐਲੋਨ ਮਸਕ ਅਤੇ ਡੋਨਾਲਡ ਟਰੰਪ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਪੁਰਾਣੇ ਸਮਾਗਮਾਂ ਦੀ ਸਟ੍ਰੀਮਿੰਗ ਦੁਆਰਾ ਬਦਲ ਦਿੱਤਾ ਗਿਆ ਹੈ।
ਇਸ ਘਟਨਾ ਨੇ ਯਕੀਨੀ ਤੌਰ ‘ਤੇ Ranveer Allahbadia ਨੂੰ ਵੱਡਾ ਝਟਕਾ ਦਿੱਤਾ ਹੈ ਅਤੇ ਯੂਟਿਊਬਰ ਦਾ ਕਰੀਅਰ ਖਤਰੇ ‘ਚ ਨਜ਼ਰ ਆ ਰਿਹਾ ਹੈ। ਉਨ੍ਹਾਂ ਨੇ ਇਸ ਮਾਮਲੇ ਨੂੰ ਲੈ ਕੇ ਆਪਣੀ ਚੁੱਪੀ ਤੋੜਦਿਆਂ ਆਪਣੀ ਪਹਿਲੀ ਪ੍ਰਤੀਕਿਰਿਆ ਦਿੱਤੀ ਹੈ।
ਇਸ ਮਾਮਲੇ ਤੋਂ ਬਾਅਦ, Ranveer Allahbadia ਨੇ ਵੀਰਵਾਰ ਸਵੇਰੇ BeerBiceps ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ‘ਤੇ ਇਕ ਤਾਜ਼ਾ ਸਟੋਰੀ ਸ਼ੇਅਰ ਕੀਤੀ। ਜਿਸ ‘ਚ ਉਸ ਨੇ ਆਪਣੀਆਂ ਅੱਖਾਂ ‘ਤੇ ਮਾਸਕ ਪਾਇਆ ਹੋਇਆ ਹੈ ਅਤੇ ਲਿਖਿਆ ਹੈ- ਕੀ ਮੇਰਾ ਯੂਟਿਊਬ ਕਰੀਅਰ ਖਤਮ ਹੋ ਗਿਆ ਹੈ? ਹੁਣ ਆਉਣ ਵਾਲੇ ਸਮੇਂ ‘ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਰਣਵੀਰ ਦਾ ਚੈਨਲ ਫਿਰ ਤੋਂ ਰਿਵਾਈਵ ਹੋ ਸਕਦਾ ਹੈ ਜਾਂ ਨਹੀਂ।