YouTuber ਜੋਤੀ ਜਾਸੂਸੀ ਦੇ ਕੇਸ ‘ਚ ਗ੍ਰਿਫ਼ਤਾਰ, ਜਾਣੋ ਕਿੰਨੀ ਹੈ ਉਸ ਦੀ ਕੁੱਲ ਜਾਇਦਾਦ

ਹਰਿਆਣਾ ਦੀ ਮਸ਼ਹੂਰ ਬਲੌਗਰ ਅਤੇ ਯੂਟਿਊਬਰ ਜੋਤੀ ਮਲਹੋਤਰਾ, ਜੋ “Travel With Joe” ਨਾਂ ਨਾਲ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਸਰਗਰਮ ਰਹੀ ਹੈ, ਨੂੰ ਹਾਲ ਹੀ ਵਿੱਚ ਗੰਭੀਰ ਜਾਸੂਸੀ ਦੇ ਦੋਸ਼ਾਂ ਹੇਠ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਉਸ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਨਾ ਸਿਰਫ਼ ਉਨ੍ਹਾਂ ਵਿਰੁੱਧ ਚਰਚਾ ਹੋ ਰਹੀ ਹੈ, ਸਗੋਂ ਉਸ ਦੀ ਆਮਦਨ ਅਤੇ ਜਾਇਦਾਦ ਬਾਰੇ ਵੀ ਸਵਾਲ ਖੜੇ ਹੋ ਰਹੇ ਹਨ।

ਸੋਸ਼ਲ ਮੀਡੀਆ ‘ਤੇ ਮਜ਼ਬੂਤ ਹਾਜ਼ਰੀ

ਜੋਤੀ ਦੇ ਯੂਟਿਊਬ ਚੈਨਲ ਨੂੰ 3.77 ਲੱਖ ਤੋਂ ਵੱਧ ਲੋਕਾਂ ਨੇ ਸਬਸਕ੍ਰਾਈਬ ਕੀਤਾ ਹੋਇਆ ਹੈ, ਜਦਕਿ ਇੰਸਟਾਗ੍ਰਾਮ ‘ਤੇ ਉਸਦੇ 1.31 ਲੱਖ ਤੋਂ ਵੱਧ ਫੌਲੋਅਰ ਹਨ। ਉਸ ਦੀ ਪ੍ਰਸਿੱਧੀ ਦੇ ਚਲਦੇ ਬਹੁਤ ਸਾਰੀਆਂ ਯਾਤਰਾ ਅਤੇ ਲਾਈਫਸਟਾਈਲ ਬ੍ਰਾਂਡਾਂ ਵਲੋਂ ਉਸਨੂੰ ਸਪਾਂਸਰਸ਼ਿਪ ਮਿਲਦੀ ਰਹੀ।

ਕਮਾਈ ਦੇ ਸਰੋਤ

ਜੋਤੀ ਦੀ ਆਮਦਨ ਮੁੱਖ ਤੌਰ ‘ਤੇ ਯੂਟਿਊਬ ਵਿਡੀਓਜ਼, ਇੰਸਟਾਗ੍ਰਾਮ ਪੋਸਟਾਂ ਅਤੇ ਬ੍ਰਾਂਡ ਕੋਲੈਬਰੇਸ਼ਨਾਂ ਤੋਂ ਹੁੰਦੀ ਸੀ।

• ਯੂਟਿਊਬ ਵਿਊਜ਼ ਤੋਂ: 5 ਲੱਖ ਤੱਕ ਮਹੀਨਾਵਾਰ ਵਿਊਜ਼ ਦੇ ਆਧਾਰ ‘ਤੇ ਉਹ 40,000 ਤੋਂ 1.2 ਲੱਖ ਰੁਪਏ ਦਰਮਿਆਨ ਕਮਾ ਸਕਦੀ ਸੀ।

• ਬ੍ਰਾਂਡ ਡੀਲਾਂ ਤੋਂ: ਹਰ ਇਕ ਪ੍ਰੋਮੋਸ਼ਨਲ ਪੋਸਟ ਲਈ 20,000 ਤੋਂ 50,000 ਰੁਪਏ ਮਿਲਦੇ ਹੋਣ ਦੀ ਸੰਭਾਵਨਾ ਹੈ।

• ਕੁੱਲ ਮਹੀਨਾਵਾਰ ਆਮਦਨ: ਜੇਕਰ ਉਹ ਮਹੀਨੇ ‘ਚ 2-3 ਬ੍ਰਾਂਡ ਡੀਲ ਕਰਦੀ ਸੀ, ਤਾਂ ਉਸ ਦੀ ਕੁੱਲ ਕਮਾਈ 1.5 ਲੱਖ ਰੁਪਏ ਤੱਕ ਹੋ ਸਕਦੀ ਹੈ।

ਕੁੱਲ ਜਾਇਦਾਦ ਦਾ ਅੰਦਾਜ਼ਾ

ਮਾਹਿਰਾਂ ਦੇ ਅਨੁਮਾਨ ਮੁਤਾਬਕ, ਜੋਤੀ ਦੀ ਕੁੱਲ ਜਾਇਦਾਦ 15 ਲੱਖ ਤੋਂ 40 ਲੱਖ ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ।
ਜੇਕਰ ਪਿਛਲੇ ਤਿੰਨ ਸਾਲਾਂ ਦੌਰਾਨ ਉਸਨੇ ਆਪਣੀ ਆਮਦਨ ਵਿਚੋਂ 50% ਦੀ ਬਚਤ ਕੀਤੀ ਹੋਵੇ, ਤਾਂ ਇਹ ਬਚਤ 25-30 ਲੱਖ ਰੁਪਏ ਤੱਕ ਹੋ ਸਕਦੀ ਹੈ।
ਹਾਲਾਂਕਿ ਯਾਤਰਾ ਬਲੌਗਿੰਗ ਨਾਲ ਜੁੜੇ ਖਰਚੇ — ਜਿਵੇਂ ਕਿ ਯਾਤਰਾ, ਕੈਮਰਾ ਉਪਕਰਣ, ਸੰਪਾਦਨ ਅਤੇ ਮਾਰਕੀਟਿੰਗ — ਵੀ ਉਸਦੀ ਕੁੱਲ ਆਮਦਨ ਨੂੰ ਪ੍ਰਭਾਵਿਤ ਕਰਦੇ ਹਨ।

ਜਾਸੂਸੀ ਦੇ ਦੋਸ਼ਾਂ ਕਾਰਨ ਜੋਤੀ ਦੀ ਡਿਜੀਟਲ ਪ੍ਰਤੀਛਵੀ ਅਤੇ ਆਮਦਨ ਦੋਹਾਂ ‘ਤੇ ਤੁਰੰਤ ਪ੍ਰਭਾਵ ਪੈਣਾ ਲਾਜ਼ਮੀ ਹੈ। ਬ੍ਰਾਂਡ ਸਹਿਯੋਗ ਰੁਕ ਸਕਦੇ ਹਨ ਅਤੇ ਯੂਟਿਊਬ ਵੀ ਉਸਦੇ ਚੈਨਲ ‘ਤੇ ਨਿਯਮਾਂ ਅਨੁਸਾਰ ਕਾਰਵਾਈ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ, ਜਾਂਚ ਦੌਰਾਨ ਉਸ ਦੀਆਂ ਹੋਰ ਪੇਸ਼ੇਵਰ ਗਤੀਵਿਧੀਆਂ ਵੀ ਸੀਮਤ ਹੋ ਸਕਦੀਆਂ ਹਨ।