ਫਲਾਂ ਨੂੰ ਤਾਕਤਵਰ ਅਤੇ ਇਮਿਊਨਿਟੀ ਬੂਸਟਰ ਮੰਨਿਆ ਜਾਂਦਾ ਹੈ। ਡਾਕਟਰ ਸਭ ਨੂੰ ਰੋਜ਼ਨਾ ਫਲ ਖਾਣ ਦੀ ਸਲਾਹ ਦਿੰਦੇ ਹਨ। ਪਰ ਅਜਿਹੀਆਂ ਬਹੁਤ ਸਾਰੀਆਂ ਕੰਡੀਸ਼ਨਜ਼ ਹੁੰਦੀਆਂ ਹੈ ਜਦੋਂ ਤੁਹਾਨੂੰ ਕੁਝ ਫਲਾਂ ਤੋਂ ਦੂਰੀ ਬਣਾਉਣ ਲਈ ਕਿਹਾ ਜਾਂਦਾ ਹੈ।
ਅਜਿਹੀ ਸਥਿਤੀ ਉਦੋਂ ਆਉਂਦੀ ਹੈ ਜਦੋਂ ਤੁਹਾਨੂੰ ਖਾਂਸੀ-ਜ਼ੁਕਾਮ ਹੁੰਦਾ ਹੈ। ਇਸ ਦੌਰਾਨ ਕੁਝ ਫਲਾਂ ਤੋਂ ਦੂਰੀ ਬਣਾਉਣਾ ਤੁਹਾਡੀ ਸਿਹਤ ਲਈ ਵਧੀਆ ਮੰਨਿਆ ਜਾਂਦਾ ਹੈ। ਇਥੇ ਅਸੀਂ ਤੁਹਾਨੂੰ ਕੁਝ ਅਜਿਹੇ ਫਲਾਂ ਬਾਰੇ ਦੱਸ ਰਹੇ ਹਾਂ ਜੋ ਖਾਂਸੀ-ਜ਼ੁਕਾਮ ਦੌਰਾਨ ਨਹੀਂ ਖਾਣੇ ਚਾਹੀਦੇ।
ਖੱਟੇ ਫ਼ਲ ਵਿਟਾਮਿਨ ਸੀ ਨਾਲ ਭਰਪੂਰ ਹੁੰਦੇ ਹਨ ਪਰ ਇਨ੍ਹਾਂ 'ਚ ਐਸਡਿਟੀ ਜ਼ਿਆਦਾ ਹੁੰਦੀ ਹੈ, ਜਿਸ ਨਾਲ ਤੁਹਾਡੇ ਗਲੇ 'ਚ ਜਲਨ ਹੋ ਸਕਦੀ ਹੈ ਅਤੇ ਖੰਘ ਹੋਰ ਵੀ ਤੇਜ਼ ਹੋ ਸਕਦੀ ਹੈ। ਬੀਮਾਰੀ ਹੋਣ 'ਤੇ ਇਨ੍ਹਾਂ ਨੂੰ ਘੱਟ ਮਾਤਰਾ 'ਚ ਖਾਣਾ ਚਾਹੀਦਾ ਹੈ।
ਅਨਾਨਾਸ 'ਚ ਬ੍ਰੋਮੇਲੈਨ ਨਾਂ ਦਾ ਇਕ ਐਂਜਾਇਮ ਹੁੰਦਾ ਹੈ, ਜੋ ਗਲੇ 'ਚ ਬਲਗਮ ਵਧਾ ਸਕਦਾ ਹੈ। ਇਸ ਨਾਲ ਕੰਜੈਸ਼ਨ ਅਤੇ ਖੰਘ ਹੋਰ ਵੀ ਤੇਜ਼ ਹੋ ਸਕਦੀ ਹੈ, ਇਸ ਲਈ ਬੀਮਾਰੀ ਦੌਰਾਨ ਇਸ ਤੋਂ ਬਚਣਾ ਹੀ ਬਿਹਤਰ ਹੈ।
ਕੇਲੇ ਆਮਤੌਰ 'ਤੇ ਆਰਾਮ ਪਹੁੰਚਾਉਂਦੇ ਹਨ ਪਰ ਖਾਂਸੀ-ਜ਼ੁਕਾਮ ਦੌਰਾਨ ਇਹ ਬਲਗਮ ਵਧਾ ਸਕਦੇ ਹਨ ਅਤੇ ਕੰਜੈਸ਼ਨ ਨੂੰ ਹੋਰ ਬੱਦਤਰ ਬਣਾ ਸਕਦੇ ਹਨ।
ਅੰਗੂਰ ਪੌਸ਼ਟਿਕ ਹੁੰਦੇ ਹਨ ਪਰ ਇਨ੍ਹਾਂ 'ਚ ਬਹੁਤ ਜ਼ਿਆਦਾ ਸ਼ੂਗਰ ਹੁੰਦੀ ਹੈ, ਜਿਸ ਨਾਲ ਸੌਜ ਵਧ ਸਕਦੀ ਹੈ। ਅਜਿਹੀ ਸਥਿਤੀ 'ਚ ਅੰਗੂਰ ਤੋਂ ਦੂਰੀ ਬਣਾਉਣਾ ਹੀ ਚੰਗੀ ਗੱਲ ਹੈ।
ਤਰਬੂਜ਼ ਹਾਈਡ੍ਰੇਟ ਕਰਨ ਦੇ ਨਾਲ ਹੀ ਤੁਹਾਡੇ ਠੰਡਕ ਦਿੰਦਾ ਹੈ ਪਰ ਜਦੋਂ ਤੁਹਾਨੂੰ ਖਾਂਸੀ-ਜ਼ੁਕਾਮ ਹੁੰਦਾ ਹੈ ਤਾਂ ਇਹ ਤੁਹਾਡੇ ਸਰੀਰ ਨੂੰ ਹੋਰ ਵੀ ਠੰਡਾ ਮਹਿਸੂਸ ਕਰਵਾ ਸਕਦਾ ਹੈ ਅਤੇ ਤੁਹਾਡੀ ਸਿਹਤ ਵਿਗੜ ਸਕਦੀ ਹੈ।
ਨਾਸ਼ਪਾਤੀ ਬਹੁਤ ਸਾਫਟ ਹੁੰਦੀ ਹੈ ਪਰ ਇਹ ਬਲਗਮ ਦੇ ਪ੍ਰੋਡਕਸ਼ਨ ਨੂੰ ਵਧਾ ਸਕਦੀ ਹੈ ਜਿਸ ਨਾਲ ਖਾਂਸੀ-ਜ਼ੁਕਾਮ ਦੌਰਾਨ ਕੰਜੈਸ਼ਨ ਹੋਰ ਵੀ ਖਰਾਬ ਹੋ ਸਕਦਾ ਹੈ।