ਮੰਦਿਰ ਵੀ ਨਹੀਂ ਬਖਸ਼ਿਆ ਚੋਰਾਂ ਨੇ, ਸਾਰੇ ਦਰਵਾਜ਼ੇ ਤੋੜ ਕੇ ਲੁੱਟੇ ਪੈਸੇ, ਸਾਰੀ ਘਟਨਾ CCTV ‘ਚ ਹੋਈ ਕੈਦ

ਚੋਰਾਂ ਨੇ ਘਾਸ ਮੰਡੀ ਨੇੜੇ ਸ਼ਿਵ ਮੰਦਰ ਨੂੰ ਨਿਸ਼ਾਨਾ ਬਣਾਇਆ ਹੈ। ਜਿੱਥੇ ਦੇਰ ਰਾਤ ਚੋਰ ਮੰਦਰ ਦੀਆਂ ਚਾਰ ਗੋਲਕਾਂ ‘ਚੋਂ ਪੈਸੇ ਲੈ ਕੇ ਫਰਾਰ ਹੋ ਗਏ। ਘਟਨਾ ਉੱਥੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਸੀਸੀਟੀਵੀ ਫੁਟੇਜ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਉਹ ਨੀਲੀ ਕਮੀਜ਼ ਪਹਿਨ ਕੇ ਅਤੇ ਮੂੰਹ ਢੱਕ ਕੇ ਰੱਸੀ ਦੀ ਮਦਦ ਨਾਲ ਸ਼ਿਵਲਿੰਗ ਦੇ ਨੇੜੇ ਪਹੁੰਚਦਾ ਹੈ।

ਇਸ ਦੌਰਾਨ ਚੋਰ ਆਪਣੇ ਦੂਜੇ ਸਾਥੀ ਨਾਲ ਇਸ਼ਾਰਿਆਂ ਰਾਹੀਂ ਗੱਲ ਕਰ ਰਿਹਾ ਹੈ। ਉਕਤ ਮਾਮਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਔਰਤ ਜੋਤੀ ਨੇ ਦੱਸਿਆ ਕਿ ਘਟਨਾ ਦੇਰ ਰਾਤ 12 ਵਜੇ ਵਾਪਰੀ। ਔਰਤ ਨੇ ਦੱਸਿਆ ਕਿ ਚੋਰ ਇੰਨੇ ਚਲਾਕ ਸਨ ਕਿ ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਮੰਦਰ ਦੇ ਚਾਰੇ ਪਾਸੇ ਦਰਵਾਜ਼ੇ ਬੰਦ ਕਰ ਦਿੱਤੇ। ਜਿਸ ਦੇ ਬਾਅਦ
ਉਨ੍ਹਾਂ ਨੇ ਤਿਜੋਰੀਆਂ ਨੂੰ ਚਾਦਰਾਂ ਨਾਲ ਬੰਨ੍ਹਿਆ, ਉਨ੍ਹਾਂ ਨੂੰ ਖਿੱਚਿਆ, ਉਨ੍ਹਾਂ ਤੋਂ ਪੈਸੇ ਕੱਢ ਲਏ ਅਤੇ ਭੱਜ ਗਏ।

ਔਰਤ ਨੇ ਦੱਸਿਆ ਕਿ ਉਸ ਨੇ ਘਟਨਾ ਦੀ ਸੂਚਨਾ ਪੁਲਸ ਨੂੰ ਦੇ ਦਿੱਤੀ ਹੈ। ਔਰਤ ਦਾ ਕਹਿਣਾ ਹੈ ਕਿ ਪੁਲਸ ਮੌਕੇ ‘ਤੇ ਪਹੁੰਚੀ ਅਤੇ ਲੋਕਾਂ ਤੋਂ ਚੋਰ ਦੀ ਪਛਾਣ ਕਰਨ ਲਈ ਪੁੱਛਣ ਲੱਗੀ। ਔਰਤ ਦਾ ਕਹਿਣਾ ਹੈ ਕਿ ਜੇਕਰ ਇੱਥੋਂ ਦੇ ਲੋਕਾਂ ਨੂੰ ਚੋਰਾਂ ਬਾਰੇ ਪਤਾ ਹੁੰਦਾ ਤਾਂ ਉਹ ਪੁਲਸ ਨੂੰ ਸੂਚਨਾ ਕਿਉਂ ਦਿੰਦੇ, ਉਹ ਖੁਦ ਚੋਰਾਂ ਨੂੰ ਕਾਬੂ ਕਰ ਲੈਂਦੇ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਘਟਨਾ ਵਾਲੀ ਥਾਂ ਤੋਂ ਕੁਝ ਦੂਰੀ ’ਤੇ ਪੁਲੀਸ ਚੌਕੀ ਹੈ। ਪਰ ਫਿਰ ਵੀ ਨਿਡਰ ਚੋਰਾਂ ਵੱਲੋਂ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ।