ਡੇਰਾ ਬਿਆਸ ‘ਚ ਦੂਜਾ ਭੰਡਾਰਾ ਰੱਦ – ਸੰਗਤ ਨੂੰ ਸਥਿਰਤਾ ਬਣਾਈ ਰੱਖਣ ਦੀ ਅਪੀਲ
ਭਾਰਤ-ਪਾਕਿਸਤਾਨ ਵਿਚਕਾਰ ਵਧ ਰਹੇ ਤਣਾਅ ਦੇ ਚਲਦਿਆਂ ਡੇਰਾ ਰਾਧਾ ਸੁਆਮੀ ਸਤਿਸੰਗ ਬਿਆਸ ਵੱਲੋਂ 9 ਮਈ ਤੋਂ 11 ਮਈ 2025 ਤੱਕ ਹੋਣ ਵਾਲਾ ਦੂਜਾ ਭੰਡਾਰਾ ਰੱਦ ਕਰ ਦਿੱਤਾ ਗਿਆ ਹੈ।
ਇਹ ਪ੍ਰੋਗਰਾਮ, ਜਿਸ ਵਿੱਚ 9 ਮਈ ਨੂੰ ਸਵਾਲ-ਜਵਾਬ ਸੈਸ਼ਨ ਅਤੇ 11 ਮਈ ਨੂੰ ਮੁੱਖ ਸਤਿਸੰਗ ਰੱਖਿਆ ਗਿਆ ਸੀ, ਹੁਣ ਨਹੀਂ ਹੋਵੇਗਾ। ਡੇਰੇ ਵੱਲੋਂ ਜਾਰੀ ਕੀਤੇ ਗਏ ਅਧਿਕਾਰਤ ਬਿਆਨ ਅਨੁਸਾਰ, ਸੰਗਤ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਤੁਰੰਤ ਇਸ ਜਾਣਕਾਰੀ ਨੂੰ ਹੋਰਾਂ ਤੱਕ ਸਾਂਝਾ ਕਰਨ ਤਾਂ ਜੋ ਕੋਈ ਵੀ ਸ਼ਰਧਾਲੂ ਬਿਆਸ ਵੱਲ ਯਾਤਰਾ ਨਾ ਕਰੇ।
ਇਸ ਦੇ ਨਾਲ ਹੀ, ਡੇਰੇ ਵੱਲੋਂ ਭੰਡਾਰੇ ਲਈ ਬਿਆਸ ਪਹੁੰਚਣ ਵਾਲੇ ਸਾਰੇ ਸੇਵਾਦਾਰਾਂ ਨੂੰ ਤੁਰੰਤ ਆਪਣੇ-ਆਪਣੇ ਸਥਾਨਾਂ ‘ਤੇ ਰਹਿਣ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਸੰਗਤ ਨੂੰ ਬੇਨਤੀ ਕੀਤੀ ਗਈ ਹੈ ਕਿ ਉਹ ਮੌਜੂਦਾ ਹਾਲਾਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਸੰਜਮ ਬਣਾਈ ਰੱਖਣ ਅਤੇ ਸਾਰੇ ਅਧਿਕਾਰਤ ਨਿਰਦੇਸ਼ਾਂ ਦੀ ਪੂਰੀ ਪਾਲਣਾ ਕਰਨ।