ਹੁਣ ਨਹੀਂ ਰਹੇਗੀ ਟੋਲ ਚਾਰਜ ਦੀ ਚਿੰਤਾ, ਨਵੀਂ ਟੋਲ ਪਾਲਿਸੀ ਨਾਲ ਮਿਲੇਗੀ ਵੱਡੀ ਰਾਹਤ

ਟੋਲ ਚਾਰਜਾਂ ਦੀ ਸਮੱਸਿਆ ਤੋਂ ਜੂਝ ਰਹੇ ਲਾਖਾਂ ਯਾਤਰੀਆਂ ਲਈ ਖੁਸ਼ਖਬਰੀ ਹੈ। ਕੇਂਦਰ ਸਰਕਾਰ ਵੱਲੋਂ ਇੱਕ ਨਵੀਂ ਟੋਲ ਨੀਤੀ ਤਿਆਰ ਕੀਤੀ ਗਈ ਹੈ, ਜਿਸਨੂੰ ਜਲਦੀ ਹੀ ਲਾਗੂ ਕੀਤਾ ਜਾ ਸਕਦਾ ਹੈ। ਇਸ ਨੀਤੀ ਤਹਿਤ ਆਮ ਲੋਕਾਂ ਨੂੰ ਟੋਲ ਚਾਰਜ ‘ਚ ਲਗਭਗ 50% ਰਾਹਤ ਮਿਲੇਗੀ।

ਸਿਰਫ ₹3,000 ‘ਚ ਸਾਲਾਨਾ ਪਾਸ
ਨਵੀਂ ਪਾਲਿਸੀ ਅਨੁਸਾਰ ਲੋਕਾਂ ਨੂੰ ₹3,000 ਸਾਲਾਨਾ ਦੇ ਕੇ ਇਕ ਪਾਸ ਮਿਲੇਗਾ, ਜੋ ਰਾਸ਼ਟਰੀ ਰਾਜਮਾਰਗ, ਐਕਸਪ੍ਰੈਸਵੇਅ ਅਤੇ ਰਾਜ ਐਕਸਪ੍ਰੈਸਵੇਅ ‘ਤੇ ਵੈਧ ਹੋਵੇਗਾ। ਇਹ ਪਾਸ ਫਾਸਟੈਗ ਖਾਤੇ ਰਾਹੀਂ ਲਿੰਕ ਹੋਵੇਗਾ ਅਤੇ ਕਿਸੇ ਵੀ ਹੋਰ ਪਾਸ ਦੀ ਲੋੜ ਨਹੀਂ ਰਹੇਗੀ।

ਇਨ੍ਹਾ ਟੋਲ ਗੇਟਾਂ ਨੂੰ ਕੀਤਾ ਜਾਵੇਗਾ ਖਤਮ
ਸਰਕਾਰ ਨੇ ਇਹ ਵੀ ਫੈਸਲਾ ਲਿਆ ਹੈ ਕਿ ਨਵੀਂ ਨੀਤੀ ਤਹਿਤ ਕਈ ਟੋਲ ਗੇਟਾਂ ਨੂੰ ਸਮੇਂ ਦੀ ਹੱਦ ਅੰਦਰ ਹਟਾਇਆ ਜਾਵੇਗਾ। ਨੀਤੀ ਇਲੈਕਟ੍ਰਾਨਿਕ ਟੋਲਿੰਗ ਨੂੰ ਵਧਾਵਾ ਦੇਣ ‘ਤੇ ਕੇਂਦਰਤ ਹੋਵੇਗੀ।

ਨਿਯਮ ਤੋੜਨ ‘ਤੇ ਹੋਵੇਗੀ ਸਖ਼ਤ ਕਾਰਵਾਈ
ਜੇਕਰ ਕੋਈ ਵਾਹਨ ਭੁਗਤਾਨ ਤੋਂ ਬਿਨਾਂ ਨਿਕਲਦਾ ਹੈ, ਤਾਂ ਉਸ ਦੀ ਰਿਕਵਰੀ ਲਈ ਬੈਂਕਾਂ ਨੂੰ ਹੋਰ ਅਧਿਕਾਰ ਦਿੱਤੇ ਜਾਣਗੇ। ਉਹ ਫਾਸਟੈਗ ਵਿੱਚ ਨਿਯਤ ਰਕਮ ਦੀ ਸ਼ਰਤ, ਜੁਰਮਾਨਾ ਲਗਾਉਣ ਅਤੇ ਹੋਰ ਰੋਕ ਲਗਾ ਸਕਣਗੇ।

ਦਿੱਲੀ-ਜੈਪੁਰ ਹਾਈਵੇਅ ਤੋਂ ਹੋਵੇਗੀ ਸ਼ੁਰੂਆਤ
ਪਹਿਲਾ ਪਾਇਲਟ ਪ੍ਰੋਜੈਕਟ ਦਿੱਲੀ-ਜੈਪੁਰ ਹਾਈਵੇਅ ‘ਤੇ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ, ਜੋ ਮੁੱਖ ਤੌਰ ‘ਤੇ ਭਾਰੀ ਵਾਹਨਾਂ ਅਤੇ ਖਤਰਨਾਕ ਸਮੱਗਰੀ ਲਿਜਾਣ ਵਾਲਿਆਂ ਲਈ ਹੋਵੇਗਾ।

ਕਿਉਂ ਬਣੀ ਨਵੀਂ ਪਾਲਿਸੀ ਦੀ ਲੋੜ?
ਮੰਤਰਾਲੇ ਅਨੁਸਾਰ, ਰਿਆਇਤੀਕਰਤਾਵਾਂ ਅਤੇ ਟੋਲ ਠੇਕੇਦਾਰਾਂ ਦੇ ਇਤਰਾਜ਼ਾਂ ਤੋਂ ਬਾਅਦ ਨੁਕਸਾਨ ਦੀ ਭਰਪਾਈ ਕਰਨ ਲਈ ਇਹ ਨੀਤੀ ਲਿਆਂਦੀ ਗਈ ਹੈ। ਰਿਆਇਤੀਕਰਤਾ ਡਿਜੀਟਲ ਰਿਕਾਰਡ ਰੱਖਣਗੇ ਅਤੇ ਅਸਲ ਵਸੂਲੀ ਵਿੱਚ ਅੰਤਰ ਦੀ ਭਰਪਾਈ ਸਰਕਾਰ ਕਰੇਗੀ।

ਇਸ ਨੀਤੀ ਨਾਲ ਆਮ ਯਾਤਰੀਆਂ ਨੂੰ ਰਾਹਤ ਮਿਲੇਗੀ ਅਤੇ ਟੋਲ ਸਿਸਟਮ ਹੋਰ ਆਧੁਨਿਕ ਬਣੇਗਾ।