ਟਰੰਪ ਨੇ ਈਰਾਨ 'ਤੇ ਕੀਤਾ ਜਿੱਤ ਦਾ ਦਾਅਵਾ , 10 ਦਿਨਾਂ ਲਈ ਦਿੱਤਾ ਵਿਰਾਮ

ਅਮਰੀਕੀ ਰਾਸ਼ਟਰਪਤੀ ਨੇ ਈਰਾਨ ਦੀ ਫੌਜ ਨੂੰ ਕਿਹਾ ਅਪਾਹਜ, ਜੇਕਰ 10 ਦਿਨਾਂ ਦੇ ਅੰਦਰ ਕੋਈ ਸਮਝੌਤਾ ਨਹੀਂ ਹੋਇਆ ਤਾਂ ਨਵੇਂ ਹਮਲੇ ਦੀ ਦਿੱਤੀ ਚੇਤਾਵਨੀ
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਅਮਰੀਕੀ ਫੌਜਾਂ ਨੇ ਈਰਾਨ ਵਿਰੁੱਧ "ਪੂਰੀ ਤਰ੍ਹਾਂ ਜੰਗ ਜਿੱਤ ਲਈ ਹੈ", ਇਹ ਦਾਅਵਾ ਕਰਦੇ ਹੋਏ ਕਿ ਤਹਿਰਾਨ ਦੀਆਂ ਫੌਜ ਸਮਰੱਥਾ ਵੱਡੇ ਪੱਧਰ 'ਤੇ ਤਬਾਹ ਹੋ ਚੁੱਕੀ ਹੈ, ਨਾਲ ਹੀ, ਉਨ੍ਹਾਂ ਨੇ ਅਗਲੇ ਕਦਮ ਤੋਂ ਪਹਿਲਾਂ ਗੱਲਬਾਤ ਲਈ 10 ਦਿਨਾਂ ਦੀ ਮਿਆਦ ਦਿੱਤੀ ਹੈ।

Fox News ਦੇ ਪ੍ਰੋਗਰਾਮ  “The Five” 'ਤੇ ਇੱਕ ਫੋਨ ਇੰਟਰਵਿਊ ਦੇ ਦੌਰਾਨ , ਟਰੰਪ ਨੇ ਕਿਹਾ ਕਿ ਅਮਰੀਕੀ ਫੌਜੀ ਮੁਹਿੰਮ ਨੇ ਈਰਾਨ ਦੀ ਜੰਗ ਛੇੜਨ ਦੀ ਸਮਰੱਥਾ ਨੂੰ ਬੇਅਸਰ ਕਰ ਦਿੱਤਾ ਹੈ।

ਉਨ੍ਹਾਂ ਨੇ ਕਿਹਾ, "ਅਸੀਂ ਪਹਿਲਾਂ ਹੀ ਜੰਗ ਜਿੱਤ ਲਈ ਹੈ। ਫੌਜੀ ਤੌਰ 'ਤੇ, ਅਸੀਂ ਪੂਰੀ ਤਰ੍ਹਾਂ ਜੰਗ ਜਿੱਤ ਲਈ ਹੈ"। 

ਉਨ੍ਹਾਂ ਨੇ ਦੱਸਿਆ ਕਿ ਇਹ ਹਮਲੇ ਈਰਾਨ ਨੂੰ ਪ੍ਰਮਾਣੂ ਹਥਿਆਰ ਪ੍ਰਾਪਤ ਕਰਨ ਤੋਂ ਰੋਕਣ ਲਈ ਕੀਤੇ ਗਏ ਸਨ, ਤੇ ਚੇਤਾਵਨੀ ਦਿੱਤੀ ਕਿ ਦੁਸ਼ਮਣ ਸ਼ਾਸਨਾਂ ਨੂੰ ਅਜਿਹੀਆਂ ਸਮਰੱਥਾਵਾਂ ਪ੍ਰਾਪਤ ਕਰਨ ਦੀ ਆਗਿਆ  ਨਹੀਂ ਮਿਲਣੀ ਚਾਹੀਦੀ।
 
"ਤੁਸੀਂ ਇੱਕ ਪਾਗਲ ਨੂੰ ਨਹੀਂ ਜਾਣ ਦੇ ਸਕਦੇ, ਜਾਂ ਤੁਸੀਂ ਇੱਕ ਪਾਗਲ ਵਿਚਾਰਧਾਰਾ ਨੂੰ ਪ੍ਰਮਾਣੂ ਹਥਿਆਰ ਨਹੀਂ ਰੱਖਣ ਦੇ ਸਕਦੇ," ਟਰੰਪ ਨੇ ਕਿਹਾ।

ਟਰੰਪ ਨੇ ਈਰਾਨ ਦੇ ਫੌਜੀ ਬੁਨਿਆਦੀ ਢਾਂਚੇ ਨੂੰ ਵਿਆਪਕ ਨੁਕਸਾਨ ਪਹੁੰਚਾਉਣ ਦਾ ਦਾਅਵਾ ਕਰਦੇ ਹੋਏ ਅਮਰੀਕੀ ਕਾਰਵਾਈ ਦੇ ਪੈਮਾਨੇ ਦਾ ਵੇਰਵਾ ਦਿੱਤਾ।

"ਅਸੀਂ ਉਨ੍ਹਾਂ ਦੀ ਜਲ ਸੈਨਾ ਨੂੰ ਤਬਾਹ ਕਰ ਦਿੱਤਾ ਹੈ, ਅਸੀਂ ਉਨ੍ਹਾਂ ਦੀ ਹਵਾਈ ਸੈਨਾ ਨੂੰ ਤਬਾਹ ਕਰ ਦਿੱਤਾ ਹੈ... ਅਸੀਂ ਉਨ੍ਹਾਂ ਦੀਆਂ ਜ਼ਿਆਦਾਤਰ ਮਿਸਾਈਲਾਂ ਨੂੰ ਤਬਾਹ ਕਰ ਦਿੱਤਾ ਹੈ,"ਉਨ੍ਹਾਂ ਨੇ ਕਿਹਾ।ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਮਿਸਾਈਲ ਲਾਂਚ ਪ੍ਰਣਾਲੀਆਂ ਅਤੇ ਸੰਚਾਰ ਨੈਟਵਰਕਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਸੀ।

ਉਨ੍ਹਾਂ ਨੇ ਅੱਗੇ ਇਹ ਵੀ ਦਾਅਵਾ ਕੀਤਾ ਕਿ ਅਮਰੀਕੀ ਫੌਜਾਂ ਨੇ ਈਰਾਨ ਦੇ ਲੀਡਰਸ਼ਿਪ ਢਾਂਚੇ 'ਤੇ ਵੀ ਹਮਲਾ ਕੀਤਾ ਸੀ। "ਅਸੀਂ ਉਨ੍ਹਾਂ ਦੇ  ਨੇਤਾਵਾਂ ਨੂੰ ਬਾਹਰ ਕੱਢ ਦਿੱਤਾ... ਉਹ ਸਾਰੇ ਇਸ ਲਈ ਲੜ ਰਹੇ ਹਨ ਕਿ ਉਹ ਅਹੁਦਾ ਨਾ ਲਿਤਾ ਜਾਵੇ, ਅਸੀਂ ਉਹ ਅਹੁਦਾ ਨਹੀਂ ਚਾਹੁੰਦੇ," ਉਨ੍ਹਾਂ ਨੇ ਕਿਹਾ।

ਜ਼ੋਰਦਾਰ ਬਿਆਨਬਾਜ਼ੀ ਦੇ ਬਾਵਜੂਦ, ਟਰੰਪ ਨੇ ਕਿਹਾ ਕਿ ਉਹ ਈਰਾਨ ਦੀ ਬੇਨਤੀ ਤੋਂ ਬਾਅਦ ਹੋਰ ਤਣਾਅ ਨੂੰ ਟਾਲਣ ਲਈ ਸਹਿਮਤ ਹੋ ਗਏ ਹਨ।

"ਉਨ੍ਹਾਂ ਨੇ ਮੈਨੂੰ ਪੁੱਛਿਆ... 'ਕੀ ਸਾਡੇ ਕੋਲ ਹੋਰ ਸਮਾਂ ਹੋ ਸਕਦਾ ਹੈ?'... ਤੇ ਇਸ ਲਈ ਮੈਂ ਉਨ੍ਹਾਂ ਨੂੰ 10 ਦਿਨਾਂ ਦਾ ਸਮਾਂ ਦਿੱਤਾ,"ਉਨ੍ਹਾਂ ਨੇ ਕਿਹਾ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਗੱਲਬਾਤ "ਕਾਫ਼ੀ ਵਧੀਆ ਚੱਲ ਰਹੀ ਹੈ।"

ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਸਮਝੌਤੇ 'ਤੇ ਪਹੁੰਚਣ ਵਿੱਚ ਅਸਫਲ ਰਹਿਣ ਨਾਲ ਨਵੇਂ ਹਮਲੇ ਹੋਣਗੇ। "ਜੇਕਰ ਇਰਾਨ ਉਹ ਨਹੀਂ ਕਰਦਾ ਜੋ ਉਨ੍ਹਾਂ ਨੂੰ ਕਰਨਾ ਚਾਹੀਦਾ ਹੈ, ਤਾਂ ਮੈਂ ਉਨ੍ਹਾਂ ਦੇ ਪਾਵਰ ਪਲਾਂਟਾਂ ਨੂੰ ਢਾਹ ਦਿਆਂਗਾ,"ਉਨ੍ਹਾਂ ਨੇ ਕਿਹਾ।

ਟਰੰਪ ਨੇ ਦਲੀਲ ਦਿੱਤੀ ਕਿ ਅਮਰੀਕੀ ਦਖਲਅੰਦਾਜ਼ੀ ਸਿਰਫ ਰਾਸ਼ਟਰੀ ਸੁਰੱਖਿਆ ਬਾਰੇ ਹੀ ਨਹੀਂ ਬਲਕਿ ਵਿਸ਼ਵ ਸਥਿਰਤਾ ਬਾਰੇ ਵੀ ਸੀ।

"ਅਸੀਂ ਦੁਨੀਆ ਲਈ ਇੱਕ ਵੱਡੀ ਸੇਵਾ ਕਰ ਰਹੇ ਹਾਂ," ਉਨ੍ਹਾਂ ਨੇ ਕਿਹਾ।

ਰਾਸ਼ਟਰਪਤੀ ਨੇ ਇਹ ਵੀ ਦਾਅਵਾ ਕੀਤਾ ਕਿ ਅਮਰੀਕੀ ਕਾਰਵਾਈ ਤੋਂ ਪਹਿਲਾਂ ਈਰਾਨ ਪ੍ਰਮਾਣੂ ਹਥਿਆਰ ਵਿਕਸਤ ਕਰਨ ਦੇ ਨੇੜੇ ਸੀ।

"ਜੇਕਰ ਅਸੀਂ ਉਨ੍ਹਾਂ ਨੂੰ ਨਾ ਮਾਰਦੇ... ਤਾਂ ਉਨ੍ਹਾਂ ਕੋਲ ਹੁਣ ਇੱਕ ਪ੍ਰਮਾਣੂ ਹਥਿਆਰ ਹੁੰਦਾ, ਤੇ ਉਹ ਹੁਣ ਤੱਕ ਇਸਦੀ ਵਰਤੋਂ ਕਰ ਚੁੱਕੇ ਹੁੰਦੇ,"ਉਨ੍ਹਾਂ ਨੇ ਕਿਹਾ।

ਘਰੇਲੂ ਆਲੋਚਨਾ ਦੇ ਜਵਾਬ ਵਿੱਚ, ਟਰੰਪ ਨੇ ਵਿਰੋਧੀ ਆਵਾਜ਼ਾਂ ਨੂੰ ਖਾਰਜ ਕਰ ਦਿੱਤਾ ਅਤੇ ਉਸ ਵੱਲ ਇਸ਼ਾਰਾ ਕੀਤਾ ਜਿਸਨੂੰ ਉਸਨੇ ਆਪਣੇ ਰਾਜਨੀਤਿਕ ਅਧਾਰ ਵਿੱਚ ਮਜ਼ਬੂਤ ​​ਸਮਰਥਨ ਵਜੋਂ ਦਰਸ਼ਾਇਆ।

"MAGA ਸਮਰਥਕ ਸਮਝਦਾ/ਹੁਸ਼ਿਆਰ ਹਨ... ਉਹ ਸਾਨੂੰ ਆਪਣੇ ਸਿਰ 'ਤੇ ਪ੍ਰਮਾਣੂ ਬੰਬ ਨਾਲ ਨਹੀਂ ਦੇਖਣਾ ਚਾਹੁੰਦੇ," ਉਨ੍ਹਾਂ ਨੇ ਕਿਹਾ।

ਉਨ੍ਹਾਂ ਨੇ ਇਸ ਕਾਰਵਾਈ ਨੂੰ ਵਿਆਪਕ ਅਮਰੀਕੀ ਰਣਨੀਤਕ ਤਾਕਤ ਨਾਲ ਵੀ ਜੋੜਿਆ, ਅਮਰੀਕੀ ਫੌਜ ਦੀ ਉੱਤਮਤਾ ਨੂੰ ਉਜਾਗਰ ਕੀਤਾ।

"ਸਾਡੇ ਕੋਲ ਦੁਨੀਆ ਦੀ ਸਭ ਤੋਂ ਵੱਡੀ ਫੌਜ ਹੈ... ਕੋਈ ਵੀ ਨੇੜੇ ਨਹੀਂ ਆਉਂਦਾ," ਉਨ੍ਹਾਂ ਨੇ ਕਿਹਾ।