ਮਸ਼ਹੂਰ ਯੂਟਿਊਬਰ ਅਰਮਾਨ ਮਲਿਕ ਨੂੰ ਮਿਲੀਆਂ ਜਾਨੋਂ ਮਾਰਨ ਦੀਆਂ ਧਮਕੀਆਂ

ਉਸਨੂੰ ਸ਼ੱਕ ਹੈ ਕਿ ਉਸਦਾ ਕੋਈ ਨਜ਼ਦੀਕੀ ਇਸ ਸਾਜ਼ਿਸ਼ ਵਿੱਚ ਸ਼ਾਮਲ ਹੈ, ਕਿਉਂਕਿ ਉਸਨੂੰ ਧਮਕੀ ਦੇਣ ਵਾਲੇ ਲੋਕ ਉਸਦੀਆਂ ਪਤਨੀਆਂ ਨੂੰ ਵੀ ਫੋਨ ਕਰ ਰਹੇ ਹਨ।
ਹਰਿਆਣਾ ਦੇ ਯੂਟਿਊਬਰ ਅਰਮਾਨ ਮਲਿਕ ਅਤੇ ਉਸ ਦੇ ਬੱਚਿਆਂ, ਜੋ ਪੰਜਾਬ ਵਿੱਚ ਰਹਿੰਦੇ ਹਨ, ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ। ਫ਼ੋਨ 'ਤੇ 1 ਕਰੋੜ ਰੁਪਏ ਦੀ ਫਿਰੌਤੀ ਮੰਗੀ ਗਈ ਸੀ। ਉਨ੍ਹਾਂ ਨੂੰ ਕਿਹਾ ਗਿਆ ਸੀ ਕਿ ਜੇਕਰ ਉਨ੍ਹਾਂ ਨੇ ਪੈਸੇ ਨਹੀਂ ਦਿੱਤੇ ਤਾਂ ਉਹ ਉਨ੍ਹਾਂ ਨੂੰ ਜਾਨ ਤੋਂ ਮਾਰ ਦੇਣਗੇ। ਯੂਟਿਊਬਰ ਦਾ ਕਹਿਣਾ ਹੈ ਕਿ ਉਸਨੇ ਪੁਲਸ ਸ਼ਿਕਾਇਤ ਦਰਜ ਕਰਵਾਈ ਹੈ। ਉਸ ਨੇ ਕਿਹਾ ਕਿ ਉਸਨੂੰ ਲਗਭਗ 20 ਦਿਨਾਂ ਤੋਂ ਅਜਿਹੇ ਕਾਲ ਅਤੇ ਸੁਨੇਹੇ ਆ ਰਹੇ ਹਨ।

ਉਸਨੂੰ ਸ਼ੱਕ ਹੈ ਕਿ ਉਸਦਾ ਕੋਈ ਨਜ਼ਦੀਕੀ ਇਸ ਸਾਜ਼ਿਸ਼ ਵਿੱਚ ਸ਼ਾਮਲ ਹੈ, ਕਿਉਂਕਿ ਉਸਨੂੰ ਧਮਕੀ ਦੇਣ ਵਾਲੇ ਲੋਕ ਉਸਦੀਆਂ ਪਤਨੀਆਂ ਨੂੰ ਵੀ ਫੋਨ ਕਰ ਰਹੇ ਹਨ। ਅਰਮਾਨ ਨੇ ਕਿਹਾ, "ਹੁਣ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਗਈਆਂ ਹਨ। ਮੈਨੂੰ ਉਮੀਦ ਹੈ ਕਿ ਪੁਲਸ ਜਲਦੀ ਹੀ ਕਾਰਵਾਈ ਕਰੇਗੀ।"

ਯੂਟਿਊਬਰ ਨੇ ਕਿਹਾ ਕਿ ਉਸਨੂੰ ਲਗਭਗ 20 ਦਿਨ ਪਹਿਲਾਂ ਵਿਦੇਸ਼ੀ ਨੰਬਰਾਂ ਤੋਂ ਧਮਕੀਆਂ ਮਿਲਣੀਆਂ ਸ਼ੁਰੂ ਹੋ ਗਈਆਂ ਸਨ। ਜਦੋਂ ਤੋਂ ਉਹ ਦੁਬਈ ਗਿਆ ਸੀ, ਉਦੋਂ ਤੋਂ ਉਸ ਨੂੰ ਫ਼ੋਨ ਕਾਲਾਂ ਅਤੇ ਸੁਨੇਹੇ ਆ ਰਹੇ ਸਨ ਪਰ ਉਹ ਆਪਣੇ ਰੁਝੇਵਿਆਂ ਕਾਰਨ ਉਨ੍ਹਾਂ ਦਾ ਜਵਾਬ ਨਹੀਂ ਦੇ ਸਕਿਆ।