ਸਾਵਧਾਨ! ਜ਼ਿਆਦਾ ਪ੍ਰੋਟੀਨ ਖਾਣਾ ਹਮੇਸ਼ਾ ਫਾਇਦੇਮੰਦ ਨਹੀਂ, ਨਵੀਂ ਸਟੱਡੀ 'ਚ ਖੁਲਾਸਾ

ਅੱਜਕੱਲ੍ਹ ਜਿਮ ਜਾਣ ਵਾਲੇ ਅਤੇ ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰਨ ਵਾਲੇ ਲੋਕ ਆਪਣੀ ਖੁਰਾਕ ਵਿੱਚ ਵੱਧ ਤੋਂ ਵੱਧ ਪ੍ਰੋਟੀਨ ਸ਼ਾਮਲ ਕਰਨ 'ਤੇ ਜ਼ੋਰ ਦਿੰਦੇ ਹਨ। ਪਰ ਇੱਕ ਹਾਲੀਆ ਸਟੱਡੀ ਨੇ ਇਸ ਰੁਝਾਨ 'ਤੇ ਵੱਡੇ ਸਵਾਲ ਖੜ੍ਹੇ ਕੀਤੇ ਹਨ। ਖੋਜਕਰਤਾਵਾਂ ਅਨੁਸਾਰ, ਹਰ ਕਿਸੇ ਲਈ ਜ਼ਿਆਦਾ ਪ੍ਰੋਟੀਨ ਖਾਣਾ ਜ਼ਰੂਰੀ ਨਹੀਂ ਹੈ ਅਤੇ ਇਸ ਦੀ ਬਹੁਤ ਜ਼ਿਆਦਾ ਮਾਤਰਾ ਸਰੀਰ ਦੀ ਮੈਟਾਬੋਲਿਕ ਸਿਹਤ ਅਤੇ ਲੰਬੀ ਉਮਰ ਲਈ ਨੁਕਸਾਨਦੇਹ ਹੋ ਸਕਦੀ ਹੈ।
ਨਵੀਂ ਦਿੱਲੀ : ਅੱਜਕੱਲ੍ਹ ਜਿਮ ਜਾਣ ਵਾਲੇ ਅਤੇ ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰਨ ਵਾਲੇ ਲੋਕ ਆਪਣੀ ਖੁਰਾਕ ਵਿੱਚ ਵੱਧ ਤੋਂ ਵੱਧ ਪ੍ਰੋਟੀਨ ਸ਼ਾਮਲ ਕਰਨ 'ਤੇ ਜ਼ੋਰ ਦਿੰਦੇ ਹਨ। ਪਰ ਇੱਕ ਹਾਲੀਆ ਸਟੱਡੀ ਨੇ ਇਸ ਰੁਝਾਨ 'ਤੇ ਵੱਡੇ ਸਵਾਲ ਖੜ੍ਹੇ ਕੀਤੇ ਹਨ। ਖੋਜਕਰਤਾਵਾਂ ਅਨੁਸਾਰ, ਹਰ ਕਿਸੇ ਲਈ ਜ਼ਿਆਦਾ ਪ੍ਰੋਟੀਨ ਖਾਣਾ ਜ਼ਰੂਰੀ ਨਹੀਂ ਹੈ ਅਤੇ ਇਸ ਦੀ ਬਹੁਤ ਜ਼ਿਆਦਾ ਮਾਤਰਾ ਸਰੀਰ ਦੀ ਮੈਟਾਬੋਲਿਕ ਸਿਹਤ ਅਤੇ ਲੰਬੀ ਉਮਰ ਲਈ ਨੁਕਸਾਨਦੇਹ ਹੋ ਸਕਦੀ ਹੈ।

ਸੈੱਲਾਂ ਦੀ ਮੁਰੰਮਤ 'ਚ ਰੁਕਾਵਟ
Cell Press Blue ਜਰਨਲ ਵਿੱਚ ਪ੍ਰਕਾਸ਼ਿਤ ਇਸ ਸਟੱਡੀ ਦੇ ਲੇਖਕ ਬੇਲੀ ਏ. ਨੌਫ ਅਤੇ ਡਡਲੀ ਡਬਲਯੂ. ਲੈਮਿੰਗ ਨੇ ਦੱਸਿਆ ਹੈ ਕਿ ਹਾਈ-ਪ੍ਰੋਟੀਨ ਡਾਈਟ ਸਰੀਰ ਵਿੱਚ mTORC1 ਨਾਮ ਦੇ ਇੱਕ ਸਿਸਟਮ ਨੂੰ ਲੋੜ ਤੋਂ ਵੱਧ ਸਰਗਰਮ ਕਰ ਦਿੰਦੀ ਹੈ। ਇਹ ਸਿਸਟਮ ਸੈੱਲਾਂ ਦੀ ਗ੍ਰੋਥ ਤਾਂ ਵਧਾਉਂਦਾ ਹੈ, ਪਰ ਇਸ ਨਾਲ ਸੈੱਲ ਆਪਣੀ ਸਫ਼ਾਈ ਅਤੇ ਮੁਰੰਮਤ ਦਾ ਕੰਮ ਠੀਕ ਤਰ੍ਹਾਂ ਨਹੀਂ ਕਰ ਪਾਉਂਦੇ। ਇਸ ਕਾਰਨ ਸਰੀਰ ਹਮੇਸ਼ਾ 'ਕੰਮ ਦੇ ਮੋਡ' ਵਿੱਚ ਰਹਿੰਦਾ ਹੈ, ਜਿਸ ਨਾਲ ਫਾਇਦੇ ਦੀ ਬਜਾਏ ਨੁਕਸਾਨ ਹੋਣ ਲੱਗਦਾ ਹੈ।

ਕਿੰਨਾ ਪ੍ਰੋਟੀਨ ਹੈ ਸਹੀ?
ਸਟੱਡੀ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਪ੍ਰੋਟੀਨ ਨੂੰ ਪੂਰੀ ਤਰ੍ਹਾਂ ਛੱਡਣ ਦੀ ਲੋੜ ਨਹੀਂ ਹੈ, ਬਲਕਿ ਇਸ ਨੂੰ ਸਹੀ ਮਾਤਰਾ ਵਿੱਚ ਲੈਣਾ ਜ਼ਰੂਰੀ ਹੈ। ਮਾਹਿਰਾਂ ਨੇ ਡਾਈਟ ਵਿੱਚ 1.2 ਤੋਂ 1.6 ਗ੍ਰਾਮ ਪ੍ਰੋਟੀਨ ਪ੍ਰਤੀ ਕਿਲੋਗ੍ਰਾਮ ਵਜ਼ਨ ਦੇ ਹਿਸਾਬ ਨਾਲ ਲੈਣ ਦੀ ਸਲਾਹ ਦਿੱਤੀ ਹੈ। ਖੋਜਕਰਤਾਵਾਂ ਨੇ ਇਹ ਵੀ ਪਾਇਆ ਕਿ ਖਾਸ ਤੌਰ 'ਤੇ 'ਮੇਥੀਓਨਿਨ' ਦੀ ਮਾਤਰਾ ਸੀਮਤ ਕਰਨ ਨਾਲ ਸਿਹਤ ਵਿੱਚ ਸੁਧਾਰ ਦੇਖਣ ਨੂੰ ਮਿਲ ਸਕਦਾ ਹੈ।

ਮਾਹਿਰਾਂ ਦੀ ਸਲਾਹ
ਬਾਜ਼ਾਰ ਵਿੱਚ ਮਿਲਣ ਵਾਲੇ ਪ੍ਰੋਟੀਨ ਸਪਲੀਮੈਂਟਸ ਅਤੇ ਹਾਈ-ਪ੍ਰੋਟੀਨ ਡਾਈਟ ਦੇ ਵਧਦੇ ਪ੍ਰਚਲਨ ਦੇ ਵਿਚਕਾਰ, ਮਾਹਿਰਾਂ ਦਾ ਕਹਿਣਾ ਹੈ ਕਿ ਆਮ ਲੋਕਾਂ ਨੂੰ ਬਿਨਾਂ ਡਾਕਟਰੀ ਸਲਾਹ ਦੇ ਲੋੜ ਤੋਂ ਵੱਧ ਪ੍ਰੋਟੀਨ ਨਹੀਂ ਲੈਣਾ ਚਾਹੀਦਾ। ਪ੍ਰੋਟੀਨ ਦੀ ਮਾਤਰਾ ਹਮੇਸ਼ਾ ਵਿਅਕਤੀ ਦੀ ਸਰੀਰਕ ਜ਼ਰੂਰਤ ਅਤੇ ਡਾਕਟਰੀ ਸਥਿਤੀ ਦੇ ਹਿਸਾਬ ਨਾਲ ਹੋਣੀ ਚਾਹੀਦੀ ਹੈ।