ਉਤਰਾਖੰਡ 'ਚ ਫਟਿਆ ਬੱਦਲ, ਮਲਬੇ ਹੇਠ ਦੱਬੇ ਕਈ ਲੋਕ, ਦਹਿਸ਼ਤ ਦਾ ਮਾਹੌਲ

ਉੱਤਰਾਖੰਡ ਦੇ ਚਮੋਲੀ ਜ਼ਿਲ੍ਹੇ ਦੇ ਥਰਾਲੀ ਵਿੱਚ ਸ਼ੁੱਕਰਵਾਰ ਦੇਰ ਰਾਤ ਬੱਦਲ ਫਟਣ ਦੀ ਘਟਨਾ ਵਾਪਰੀ। ਇਹ ਘਟਨਾ 12:30 ਵਜੇ ਤੋਂ 1 ਵਜੇ ਦੇ ਵਿਚਕਾਰ ਵਾਪਰੀ। ਨੇੜਲੇ ਦੋ ਪਿੰਡਾਂ ਸਾਗਵਾੜਾ ਅਤੇ ਚੇਪਡਨ ਨੂੰ ਭਾਰੀ ਨੁਕਸਾਨ ਪਹੁੰਚਿਆ। ਚਮੋਲੀ ਦੇ ਡੀਐਮ ਸੰਦੀਪ ਤਿਵਾੜੀ ਨੇ ਕਿਹਾ ਕਿ ਥਰਾਲੀ ਤਹਿਸੀਲ ਹੈੱਡਕੁਆਰਟਰ ਦੇ ਇੱਕ ਕਿਲੋਮੀਟਰ ਦੇ ਘੇਰੇ ਵਿੱਚ ਕਈ ਥਾਵਾਂ 'ਤੇ ਤਬਾਹੀ ਹੋਈ ਕਿਉਂਕਿ ਸਥਾਨਕ ਨਦੀਆਂ ਦਾ ਪਾਣੀ ਦਾ ਪੱਧਰ ਤੇਜ਼ੀ ਨਾਲ ਵਧ ਗਿਆ।

ਦੱਸ ਦੇਈਏ ਕਿ ਚੇਪਡਨ ਪਿੰਡ ਵਿੱਚ ਇੱਕ ਵਿਅਕਤੀ ਲਾਪਤਾ ਹੈ, ਜਦੋਂ ਕਿ ਇੱਕ ਕੁੜੀ ਸਾਗਵਾੜਾ ਵਿੱਚ ਇੱਕ ਘਰ 'ਤੇ ਡਿੱਗਣ ਵਾਲੇ ਮਲਬੇ ਹੇਠ ਦੱਬੀ ਹੋਈ ਹੈ। ਦੋਵਾਂ ਪਿੰਡਾਂ ਦੇ ਕੁੱਲ 70-80 ਘਰ 2 ਫੁੱਟ ਤੱਕ ਮਲਬੇ ਨਾਲ ਢੱਕੇ ਹੋਏ ਸਨ। ਮਿੰਗ ਗਧੇਰਾ ਨੇੜੇ ਥਰਾਲੀ ਨੂੰ ਜੋੜਨ ਵਾਲਾ ਕਰਨਪ੍ਰਯਾਗ-ਗਵਾਲਡਮ ਰਾਸ਼ਟਰੀ ਰਾਜਮਾਰਗ ਮਲਬੇ ਕਾਰਨ ਬੰਦ ਹੋ ਗਿਆ ਹੈ।