ਹਵਾਈ ਯਾਤਰੀ ਰਹਿਣ ਸਾਵਧਾਨ! 200 ਤੋਂ ਵੱਧ ਫਲਾਈਟਾਂ ਰੱਦ, ਜਾਣੋ ਮਾਮਲਾ

ਭਾਰਤ ਵਿੱਚ, ਇੰਡੀਗੋ ਅਤੇ ਏਅਰ ਇੰਡੀਆ ਗਰੁੱਪ ਕੋਲ A320 ਸੀਰੀਜ਼ ਦੇ ਲਗਭਗ 560 ਜਹਾਜ਼ ਹਨ।
ਦੁਨੀਆ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੇ ਏਅਰਬੱਸ A320 ਸੀਰੀਜ਼ ਦੇ ਜਹਾਜ਼ਾਂ 'ਤੇ ਤੇਜ਼ ਸੂਰਜੀ ਰੇਡੀਏਸ਼ਨ ਦਾ ਖਤਰਾ ਮੰਡਰਾ ਰਿਹਾ ਹੈ।
ਇਹ ਖਤਰਾ ਫਲਾਈਟ ਕੰਟਰੋਲ ਡੇਟਾ ਨੂੰ ਖਰਾਬ ਕਰ ਸਕਦਾ ਹੈ, ਜਿਸ ਕਾਰਨ ਜਹਾਜ਼ ਦੀ ਉਚਾਈ, ਦਿਸ਼ਾ ਅਤੇ ਕੰਟਰੋਲ ਵਰਗੀ ਬੇਹੱਦ ਅਹਿਮ ਜਾਣਕਾਰੀ ਗਲਤ ਹੋ ਸਕਦੀ ਹੈ। ਇਸ ਤਕਨੀਕੀ ਖਰਾਬੀ ਤੋਂ ਬਚਣ ਲਈ, ਏਅਰਬੱਸ ਨੇ ਸਾਰੀਆਂ ਏਅਰਲਾਈਨ ਕੰਪਨੀਆਂ ਨੂੰ ਉਨ੍ਹਾਂ ਦੇ ਬੇੜੇ ਵਿੱਚ ਸ਼ਾਮਲ A320 ਸੀਰੀਜ਼ ਦੇ ਜਹਾਜ਼ਾਂ ਦੇ ਸਾਫਟਵੇਅਰ ਅਪਡੇਟ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।ਇਸ ਕਾਰਨ ਭਾਰਤ ਸਮੇਤ ਦੁਨੀਆ ਭਰ ਵਿੱਚ 6,000 ਜਹਾਜ਼ਾਂ ਦੇ ਸੰਚਾਲਨ 'ਤੇ ਅਸਰ ਪੈ ਸਕਦਾ ਹੈ।

ਭਾਰਤ ਵਿੱਚ ਉਡਾਣਾਂ 'ਤੇ ਅਸਰ
ਭਾਰਤ ਵਿੱਚ, ਇੰਡੀਗੋ ਅਤੇ ਏਅਰ ਇੰਡੀਆ ਗਰੁੱਪ ਕੋਲ A320 ਸੀਰੀਜ਼ ਦੇ ਲਗਭਗ 560 ਜਹਾਜ਼ ਹਨ।ਇਨ੍ਹਾਂ ਵਿੱਚੋਂ 200-250 ਜਹਾਜ਼ਾਂ ਨੂੰ ਸਾਫਟਵੇਅਰ ਅਪਗ੍ਰੇਡ ਦੀ ਲੋੜ ਹੋਵੇਗੀ। ਸਾਫਟਵੇਅਰ ਅਪਡੇਟ 2-3 ਦਿਨਾਂ ਵਿੱਚ ਪੂਰਾ ਹੋਣ ਦੀ ਉਮੀਦ ਹੈ, ਅਤੇ ਇਸ ਸਮੇਂ ਤੱਕ ਇਹ ਜਹਾਜ਼ ਉਡਾਣ ਨਹੀਂ ਭਰ ਸਕਣਗੇ।2 ਦਸੰਬਰ ਤੱਕ ਫਲਾਈਟ ਆਪਰੇਸ਼ਨ ਆਮ ਹੋਣ ਦੀ ਉਮੀਦ ਹੈ।

ਅਪਡੇਟ ਦਾ ਫੈਸਲਾ ਕਿਉਂ ਲਿਆ ਗਿਆ?
ਯੂਰੋਪੀਅਨ ਯੂਨੀਅਨ ਐਵੀਏਸ਼ਨ ਸੇਫਟੀ ਏਜੰਸੀ ਨੇ ਦੱਸਿਆ ਕਿ ਅਪਡੇਟ ਦਾ ਫੈਸਲਾ ਹਾਲ ਹੀ ਵਿੱਚ ਹੋਈ ਇੱਕ ਘਟਨਾ ਤੋਂ ਬਾਅਦ ਲਿਆ ਗਿਆ ਹੈ, ਜਿੱਥੇ ਅਮਰੀਕੀ ਏਅਰਲਾਈਨ ਜੈਟਬਲੂ ਦੇ ਇੱਕ A320 ਜਹਾਜ਼ ਵਿੱਚ ਪਾਇਲਟ ਦੇ ਕਮਾਂਡ ਤੋਂ ਬਿਨਾਂ ਅਚਾਨਕ ਪਿੱਚ ਡਾਊਨ  ਦੀ ਘਟਨਾ ਹੋਈ ਸੀ। ਇਹ ਘਟਨਾ 30 ਅਕਤੂਬਰ 2025 ਨੂੰ ਕੈਨਕਨ ਤੋਂ ਨੇਵਾਰਕ ਲਈ ਉਡਾਣ ਭਰਨ ਦੌਰਾਨ ਵਾਪਰੀ ਸੀ। ਏਅਰਬੱਸ ਦੀ ਮੁੱਢਲੀ ਜਾਂਚ ਵਿੱਚ ਇੱਕ ਸਰਵਿਸੇਬਲ ਐਲੀਵੇਟਰ ਐਲੇਰੋਨ ਕੰਪਿਊਟਰ  ਵਿੱਚ ਖਰਾਬੀ ਨੂੰ ਇਸ ਘਟਨਾ ਦਾ ਸੰਭਾਵੀ ਕਾਰਨ ਦੱਸਿਆ ਗਿਆ ਸੀ। ELAC ਆਮ ਤੌਰ 'ਤੇ ਫਲਾਈਟ ਕੰਟਰੋਲ ਲਈ ਹੁੰਦਾ ਹੈ। ਏਅਰਬੱਸ ਨੇ ਹੁਣ ਸਾਰੇ ਏਅਰਲਾਈਨ ਆਪਰੇਟਰਾਂ ਨੂੰ ਆਪਣੇ ਜਹਾਜ਼ਾਂ ਵਿੱਚ ELAC ਲਗਾਉਣ ਲਈ ਕਿਹਾ ਹੈ।

ਏਅਰਲਾਈਨਾਂ ਵੱਲੋਂ ਐਡਵਾਈਜ਼ਰੀ
 ਇੰਡੀਗੋ ਨੇ X (ਪਹਿਲਾਂ ਟਵਿੱਟਰ) 'ਤੇ ਇੱਕ ਪੋਸਟ ਰਾਹੀਂ ਯਾਤਰੀਆਂ ਨੂੰ ਦੱਸਿਆ ਕਿ ਉਹ ਸਾਰੇ ਸੁਰੱਖਿਆ ਪ੍ਰੋਟੋਕੋਲ ਅਨੁਸਾਰ ਜ਼ਰੂਰੀ ਅਪਡੇਟਸ ਕਰ ਰਹੇ ਹਨ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਇਨ੍ਹਾਂ ਅਹਿਤਿਆਤੀ ਅਪਡੇਟਸ ਕਾਰਨ ਕੁਝ ਉਡਾਣਾਂ ਦੇ ਸਮਾਂ-ਸਾਰਣੀ ਵਿੱਚ ਥੋੜ੍ਹਾ ਬਦਲਾਅ ਹੋ ਸਕਦਾ ਹੈ। ਏਅਰ ਇੰਡੀਆ ਨੇ ਵੀ X 'ਤੇ ਪੋਸਟ ਕਰਕੇ ਦੱਸਿਆ ਕਿ ਏਅਰਬੱਸ ਦੇ ਨਿਰਦੇਸ਼ ਕਾਰਨ ਸਾਫਟਵੇਅਰ/ਹਾਰਡਵੇਅਰ ਬਦਲਾਵ ਕੀਤੇ ਜਾਣਗੇ, ਜਿਸ ਨਾਲ ਉਨ੍ਹਾਂ ਦੇ ਨਿਰਧਾਰਤ ਸੰਚਾਲਨ ਵਿੱਚ ਦੇਰੀ ਹੋਵੇਗੀ। ਉਨ੍ਹਾਂ ਯਾਤਰੀਆਂ ਨੂੰ ਬੇਨਤੀ ਕੀਤੀ ਹੈ ਕਿ ਉਹ ਏਅਰਪੋਰਟ ਜਾਣ ਤੋਂ ਪਹਿਲਾਂ ਆਪਣੀ ਫਲਾਈਟ ਦਾ ਸਟੇਟਸ ਆਨਲਾਈਨ ਜ਼ਰੂਰ ਦੇਖ ਲੈਣ।