MLA ਰਮਨ ਅਰੋੜਾ ਨੂੰ ਲੈ ਕੇ ਨਵਾਂ ਖ਼ੁਲਾਸਾ, ਭੋਗਪੁਰ ‘ਚ ਗੈਰ-ਕਾਨੂੰਨੀ ਕਾਲੋਨੀਆਂ ਤੇ ਕਾਲਾ ਧਨ ਦੀ ਇਨਵੈਸਟਮੈਂਟ ਦੇ ਦਾਅਵੇ

ਜਲੰਧਰ ਦੇ ਵਿਧਾਇਕ ਰਮਨ ਅਰੋੜਾ ਖਿਲਾਫ਼ ਇਕ ਹੋਰ ਵੱਡਾ ਦਾਅਵਾ ਸਾਹਮਣੇ ਆਇਆ ਹੈ। ਸੂਤਰਾਂ ਅਨੁਸਾਰ, ਰਮਨ ਅਰੋੜਾ ਨੇ ਸਿਰਫ਼ ਜਲੰਧਰ ਹੀ ਨਹੀਂ, ਸਗੋਂ ਭੋਗਪੁਰ ਵਿੱਚ ਵੀ ਆਪਣਾ ਵਿਆਪਕ ਨਿੱਜੀ ਨੈਟਵਰਕ ਬਣਾ ਰੱਖਿਆ ਸੀ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਭੋਗਪੁਰ ਦੇ ਨਗਰ ਕੌਂਸਲ ਅਧਿਕਾਰੀ ਨਾਲ ਮਿਲ ਕੇ ਕਈ ਗੈਰ-ਕਾਨੂੰਨੀ ਕਾਲੋਨੀਆਂ ਅਤੇ ਮਾਰਕੀਟਾਂ ਦੀ ਰਚਨਾ ਕੀਤੀ, ਜਿਸ ਲਈ PUDA ਜਾਂ ਹੋਰ ਸੰਬੰਧਤ ਅਥਾਰਟੀਆਂ ਵੱਲੋਂ ਲੋੜੀਂਦੀ ਕਾਰਵਾਈ ਨਹੀਂ ਕੀਤੀ ਗਈ।

ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਰਮਨ ਅਰੋੜਾ ਦੇ ਰਿਸ਼ਤੇਦਾਰ, ਜੋ ਭੋਗਪੁਰ ‘ਚ ਸਰਗਰਮ ਹਨ, ਇਸ ਪੂਰੇ ਨੈਟਵਰਕ ਦੀ ਦੇਖਭਾਲ ਕਰਦੇ ਸਨ। ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ ਕਿ ਇਸ ਇਲਾਕੇ ਵਿੱਚ ਕਰੋੜਾਂ ਰੁਪਏ ਦੀ ਇਨਵੈਸਟਮੈਂਟ ਕੀਤੀ ਗਈ, ਜਿਸ ਦੇ ਝੋਨੇ ਕਾਲੇ ਧਨ ਨਾਲ ਜੁੜੇ ਹੋਏ ਹਨ। ਸੂਤਰ ਦੱਸਦੇ ਹਨ ਕਿ ਵਿਜੀਲੈਂਸ ਜਾਂ ਹੋਰ ਜਾਂਚ ਏਜੰਸੀਆਂ ਵੱਲੋਂ ਜੇਕਰ ਨਗਰ ਕੌਂਸਲ ਦੇ ਅਧਿਕਾਰੀਆਂ ਤੋਂ ਪੁੱਛਗਿੱਛ ਕੀਤੀ ਜਾਵੇ, ਤਾਂ ਕਈ ਬੇਨਾਮੀ ਜਾਇਦਾਦਾਂ ਦਾ ਪਰਦਾਫਾਸ਼ ਹੋ ਸਕਦਾ ਹੈ।

ਪਟਾਕਿਆਂ ਅਤੇ ਚਾਈਨਾ ਡੋਰ ਮਾਮਲੇ ‘ਚ ਵੀ ਗੰਭੀਰ ਦਾਅਵੇ

ਸਾਲ 2023 ਅਤੇ 2024 ਦੀ ਦਿਵਾਲੀ ਦੌਰਾਨ ਵੀ ਰਮਨ ਅਰੋੜਾ ਉੱਤੇ ਸ਼ਹਿਰ ਵਿੱਚ ਗੈਰ-ਕਾਨੂੰਨੀ ਢੰਗ ਨਾਲ ਪਟਾਕੇ ਡੰਪ ਕਰਵਾਉਣ ਦੇ ਗੰਭੀਰ ਦਾਅਵੇ ਹੋਏ ਹਨ। ਇੱਕ ਮੌਕੇ ‘ਤੇ ਜਦੋਂ ਮੀਡੀਆ ਅਤੇ ਪੁਲਿਸ ਨੂੰ ਜਾਣਕਾਰੀ ਮਿਲੀ, ਤਾਂ ਉਹ ਗੋਦਾਮ ਤੇ ਪਹੁੰਚੇ, ਪਰ ਦਬਾਅ ਦੇ ਚਲਦੇ ਪੁਲਿਸ ਵੱਲੋਂ ਕੋਈ ਸਖ਼ਤ ਕਦਮ ਨਹੀਂ ਚੁੱਕਿਆ ਗਿਆ। ਦੱਸਿਆ ਗਿਆ ਕਿ ਉਕਤ ਟਰੱਕਾਂ ਅਤੇ ਗੋਦਾਮਾਂ ਨੂੰ ਵਿਧਾਇਕ ਦੇ ਦਬਾਅ ਕਾਰਨ ਛੱਡ ਦਿੱਤਾ ਗਿਆ।

ਇਸੇ ਤਰ੍ਹਾਂ ਪਤੰਗਾਂ ਅਤੇ ਚਾਈਨਾ ਡੋਰ ਦੇ ਕਾਰੋਬਾਰ ਵਿੱਚ ਵੀ ਰਮਨ ਅਰੋੜਾ ਦੀ ਸਿੱਧੀ ਸ਼ਮੂਲੀਅਤ ਦੇ ਦਾਅਵੇ ਹਨ। ਸੂਤਰ ਦੱਸਦੇ ਹਨ ਕਿ ਚਾਈਨਾ ਡੋਰ ਦੇ ਕਈ ਵਪਾਰੀ, ਜਿਨ੍ਹਾਂ ਵਿੱਚੋਂ ਕੁਝ ਸੱਟੇ ਅਤੇ ਹੋਰ ਗੈਰ-ਕਾਨੂੰਨੀ ਗਤੀਵਿਧੀਆਂ ਨਾਲ ਵੀ ਜੁੜੇ ਹੋਏ ਹਨ, ਉਨ੍ਹਾਂ ਵੱਲੋਂ ਵੀ ਲਾਭ ਲੈਣ ਲਈ ਲੱਖਾਂ ਰੁਪਏ ਦੀ ਲੈਨ-ਦੇਨ ਕੀਤੀ ਗਈ।

Leave a Reply

Your email address will not be published. Required fields are marked *