ਮਹਾਸ਼ਿਵਰਾਤਰੀ ‘ਤੇ ਮੌਸਮ ਵਿਭਾਗ ਦੀ ਚਿਤਾਵਨੀ, ਪੰਜਾਬ ਦੇ 6 ਜ਼ਿਲ੍ਹਿਆਂ ਲਈ ਯੈਲੋ ਅਲਰਟ ਜਾਰੀ

ਮਹਾਸ਼ਿਵਰਾਤਰੀ ਮੌਕੇ ਮੌਸਮ ਨੇ ਵਾਰ ਫਿਰ ਆਪਣਾ ਰੁਖ ਬਦਲ ਲਿਆ ਹੈ। ਮੌਸਮ ਵਿਭਾਗ ਨੇ ਅਗਲੇ 4 ਦਿਨਾਂ ਤਕ ਪੰਜਾਬ, ਜੰਮੂ-ਕਸ਼ਮੀਰ ਅਤੇ ਹੋਰ ਰਾਜਾਂ ‘ਚ ਭਾਰੀ ਮੀਂਹ ਦੀ ਸੰਭਾਵਨਾ ਜਤਾਈ ਹੈ। ਜੰਮੂ-ਕਸ਼ਮੀਰ ਲਈ ਓਰੇਂਜ ਅਲਰਟ ਜਾਰੀ ਕੀਤਾ ਗਿਆ, ਜਿੱਥੇ 25 ਤੋਂ 28 ਫਰਵਰੀ ਤੱਕ ਭਾਰੀ ਮੀਂਹ ਤੇ ਬਰਫਬਾਰੀ ਹੋਣ ਦੇ ਆਸਾਰ ਹਨ।

ਪੰਜਾਬ ‘ਚ 6 ਜ਼ਿਲ੍ਹਿਆਂ ਲਈ ਯੈਲੋ ਅਲਰਟ
26 ਤੋਂ 28 ਫਰਵਰੀ ਤੱਕ ਪੰਜਾਬ ‘ਚ ਪੱਛਮੀ ਗੜਬੜੀ ਸਰਗਰਮ ਰਹੇਗੀ। ਮੌਸਮ ਵਿਭਾਗ ਮੁਤਾਬਕ, 26 ਫਰਵਰੀ ਨੂੰ ਗੁਰਦਾਸਪੁਰ, ਪਠਾਨਕੋਟ, ਹੁਸ਼ਿਆਰਪੁਰ, ਰੂਪਨਗਰ, ਐੱਸਏਐੱਸ ਨਗਰ ਅਤੇ ਨਵਾਂ ਸ਼ਹਿਰ ‘ਚ ਭਾਰੀ ਮੀਂਹ ਹੋ ਸਕਦਾ ਹੈ।

ਤਾਪਮਾਨ ‘ਚ ਵਾਧਾ, ਰੂਪਨਗਰ ਸਭ ਤੋਂ ਗਰਮ
ਪਿਛਲੇ 24 ਘੰਟਿਆਂ ਦੌਰਾਨ, ਪੰਜਾਬ ਦਾ ਔਸਤ ਤਾਪਮਾਨ 0.6 ਡਿਗਰੀ ਵਧਿਆ, ਜਦਕਿ ਆਮ ਨਾਲੋਂ 2.2 ਡਿਗਰੀ ਜ਼ਿਆਦਾ ਰਿਹਾ। ਰੂਪਨਗਰ 26.7°C ਨਾਲ ਸਭ ਤੋਂ ਗਰਮ ਸ਼ਹਿਰ ਦਰਜ ਕੀਤਾ ਗਿਆ। ਮੌਸਮ ਵਿਗਿਆਨ ਕੇਂਦਰ ਮੁਤਾਬਕ, ਆਉਣ ਵਾਲੇ 2-3 ਦਿਨਾਂ ‘ਚ ਤਾਪਮਾਨ 4 ਡਿਗਰੀ ਤਕ ਵਧ ਸਕਦਾ ਹੈ।

ਮੁੱਖ ਸ਼ਹਿਰਾਂ ਦਾ ਮੌਸਮ ਅਨੁਮਾਨ
➡ ਅੰਮ੍ਰਿਤਸਰ: 12-21°C, ਹਲਕੇ ਬੱਦਲ, ਦਿਨ ਦੇ ਤਾਪਮਾਨ ‘ਚ ਗਿਰਾਵਟ
➡ ਜਲੰਧਰ: 12-23°C, ਬੱਦਲ ਛਾਏ ਰਹਿਣਗੇ
➡ ਲੁਧਿਆਣਾ: 12-21°C, ਹਲਕੀ ਬੂੰਦਾਬਾਂਦੀ ਦੀ ਸੰਭਾਵਨਾ
➡ ਪਟਿਆਲਾ: 11-21°C, ਬੱਦਲ ਛਾਏ ਰਹਿਣਗੇ
➡ ਮੋਹਾਲੀ: 14-26°C, ਹਲਕੇ ਬੱਦਲ

ਮੌਸਮ ਦੇ ਇਸ ਬਦਲਾਅ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।