ਦਿਲ ਦਾ ਦੌਰਾ ਅਚਾਨਕ ਨਹੀਂ ਆਉਂਦਾ, ਸਰੀਰ ਪਹਿਲਾਂ ਹੀ ਦਿੰਦਾ ਹੈ ਚਿਤਾਵਨੀ ਸੰਕੇਤ — ਇਨ੍ਹਾਂ ਲੱਛਣਾਂ ਨੂੰ ਨਾ ਕਰੋ ਨਜ਼ਰਅੰਦਾਜ਼
ਅਕਸਰ ਲੋਕ ਇਹ ਮੰਨਦੇ ਹਨ ਕਿ ਦਿਲ ਦਾ ਦੌਰਾ (ਹਾਰਟ ਅਟੈਕ) ਅਚਾਨਕ ਆਉਂਦਾ ਹੈ, ਪਰ ਮੈਡੀਕਲ ਮਾਹਿਰਾਂ ਅਨੁਸਾਰ ਇਹ ਗਲਤ ਫਹਿਮੀ ਹੈ। ਦਿਲ ਦੀ ਬਿਮਾਰੀ ਤੋਂ ਪਹਿਲਾਂ ਸਾਡਾ ਸਰੀਰ ਕਈ ਵਾਰ ਸੰਕੇਤ ਦੇ ਚੁੱਕਦਾ ਹੈ, ਪਰ ਅਸਲ ਸਮੱਸਿਆ ਇਹ ਹੈ ਕਿ ਇਨ੍ਹਾਂ ਚਿਤਾਵਨੀਆਂ ਨੂੰ ਅਸੀਂ ਸਮਝ ਨਹੀਂ ਪਾਉਂਦੇ ਜਾਂ ਨਜ਼ਰਅੰਦਾਜ਼ ਕਰ ਦੇਂਦੇ ਹਾਂ।
ਇਹ ਹਨ ਦਿਲ ਦੇ ਦੌਰੇ ਤੋਂ ਪਹਿਲਾਂ ਆਉਣ ਵਾਲੇ ਚਿਤਾਵਨੀ ਲੱਛਣ:
ਛਾਤੀ ‘ਚ ਦਬਾਅ ਜਾਂ ਜਲਣ
ਛਾਤੀ ‘ਚ ਦਰਦ, ਜਕੜਨ ਜਾਂ ਜਲਣ ਹੋਣਾ ਹਾਰਟ ਅਟੈਕ ਦਾ ਸਭ ਤੋਂ ਆਮ ਲੱਛਣ ਹੈ। ਇਹ ਦਰਦ ਖੱਬੇ ਪਾਸੇ ਜਾਂ ਬੀਚ ਛਾਤੀ ‘ਚ ਮਹਿਸੂਸ ਹੋ ਸਕਦਾ ਹੈ। ਕਈ ਵਾਰ ਲੋਕ ਇਸਨੂੰ ਗੈਸ ਜਾਂ ਬਦਹਜ਼ਮੀ ਸਮਝਕੇ ਲਾਪਰਵਾਹੀ ਕਰ ਜਾਂਦੇ ਹਨ, ਜੋ ਕਿ ਘਾਤਕ ਹੋ ਸਕਦੀ ਹੈ।
ਖੱਬੇ ਹੱਥ ਜਾਂ ਮੋਢੇ ‘ਚ ਦਰਦ
ਜੇਕਰ ਤੁਹਾਨੂੰ ਬਿਨਾਂ ਕਿਸੇ ਵਾਜਬ ਕਾਰਨ ਦੇ ਖੱਬੇ ਹੱਥ ‘ਚ ਦਰਦ ਜਾਂ ਝਿਨਝਿਨਾਹਟ ਮਹਿਸੂਸ ਹੋ ਰਹੀ ਹੈ, ਤਾਂ ਇਹ ਵੀ ਦਿਲ ਦੀ ਬਿਮਾਰੀ ਦਾ ਸੰਕੇਤ ਹੋ ਸਕਦਾ ਹੈ। ਇਹ ਦਰਦ ਖੱਬੇ ਮੋਢੇ ਤੋਂ ਉਂਗਲਾਂ ਤੱਕ ਫੈਲ ਸਕਦਾ ਹੈ।
ਪਿੱਠ, ਗਰਦਨ ਜਾਂ ਜਬਾੜੇ ‘ਚ ਦਰਦ
ਇਹ ਦਰਦ ਖਾਸ ਕਰਕੇ ਔਰਤਾਂ ਵਿੱਚ ਆਮ ਹੁੰਦਾ ਹੈ। ਜੇਕਰ ਇਹ ਕਿਸੇ ਕਿਸਮ ਦੀ ਸਰੀਰਕ ਗਤੀਵਿਧੀ ਨਾਲ ਨਹੀਂ ਜੁੜਿਆ, ਤਾਂ ਇਹ ਦਿਲ ਦੇ ਦੌਰੇ ਦੀ ਸੰਭਾਵਨਾ ਨੂੰ ਦਰਸਾ ਸਕਦਾ ਹੈ।
ਪੇਟ ‘ਚ ਉਲਝਣ ਜਾਂ ਬਦਹਜ਼ਮੀ
ਬਦਹਜ਼ਮੀ, ਪੇਟ ਭਾਰੀ ਹੋਣਾ ਜਾਂ ਗੈਸ ਵਰਗੀਆਂ ਸਮੱਸਿਆਵਾਂ ਨੂੰ ਅਕਸਰ ਪੇਟ ਦੀ ਰੋਜ਼ਾਨਾ ਸਮੱਸਿਆ ਮੰਨ ਲਿਆ ਜਾਂਦਾ ਹੈ, ਪਰ ਇਹ ਵੀ ਦਿਲ ਦੀ ਬਿਮਾਰੀ ਨਾਲ ਜੁੜੇ ਹੋ ਸਕਦੇ ਹਨ।
ਸਾਹ ਚੜ੍ਹਨਾ ਅਤੇ ਥਕਾਵਟ ਮਹਿਸੂਸ ਕਰਨਾ
ਜੇਕਰ ਤੁਸੀਂ ਆਮ ਕੰਮ ਕਰਦਿਆਂ ਹੀ ਥਕ ਜਾਦੇ ਹੋ ਜਾਂ ਸਾਹ ਚੜ੍ਹਦਾ ਹੈ, ਤਾਂ ਇਹ ਇਸ ਗੱਲ ਦਾ ਸੰਕੇਤ ਹੋ ਸਕਦਾ ਹੈ ਕਿ ਤੁਹਾਡਾ ਦਿਲ ਲੋੜੀਂਦੀ ਆਕਸੀਜਨ ਸਰੀਰ ਤੱਕ ਨਹੀਂ ਪਹੁੰਚਾ ਰਿਹਾ।
ਕੀ ਕਰੀਏ?
ਇਨ੍ਹਾਂ ਲੱਛਣਾਂ ਨੂੰ ਕਦੇ ਵੀ ਹਲਕੇ ਵਿੱਚ ਨਾ ਲਓ।
ਜੇਕਰ ਇਹ ਲੱਛਣ ਲੰਬੇ ਸਮੇਂ ਤੱਕ ਰਹਿਣ ਜਾਂ ਵਾਰ-ਵਾਰ ਵਾਪਰ ਰਹੇ ਹੋਣ, ਤੁਰੰਤ ਡਾਕਟਰੀ ਸਲਾਹ ਲਵੋ।
ਜੇਕਰ ਤੁਹਾਡੇ ਪਰਿਵਾਰ ਵਿੱਚ ਪਹਿਲਾਂ ਕਦੇ ਦਿਲ ਦੀ ਬਿਮਾਰੀ ਰਹੀ ਹੋਵੇ, ਤਾਂ ਹੋਰ ਵੀ ਸਾਵਧਾਨ ਰਹੋ।
40 ਸਾਲ ਦੀ ਉਮਰ ਤੋਂ ਬਾਅਦ ਨਿਯਮਤ ਸਿਹਤ ਜਾਂਚ ਕਰਵਾਉਣਾ ਲਾਜ਼ਮੀ ਹੈ।
ਸਿਹਤਮੰਦ ਭੋਜਨ, ਨਿਯਮਤ ਵਿਆਯਾਮ, ਤਣਾਅ-ਮੁਕਤ ਜੀਵਨ ਅਤੇ ਨਸ਼ਿਆਂ ਤੋਂ ਦੂਰ ਰਹਿਣਾ — ਇਹ ਸਭ ਤੁਹਾਡੇ ਦਿਲ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰਦੇ ਹਨ।