ਪੰਜਾਬ ‘ਚ ਸ਼ਰਾਬ ਦੀਆਂ ਕੀਮਤਾਂ ‘ਚ ਵੱਡੀ ਕਟੌਤੀ, ਜਾਣੋ ਕੀ ਨੇ ਨਵੇਂ ਰੇਟ
ਗੁਰਦਾਸਪੁਰ: ਪੰਜਾਬ ਦੇ ਗੁਰਦਾਸਪੁਰ ਜ਼ਿਲ੍ਹੇ ਵਿੱਚ ਸ਼ਰਾਬ ਦੀਆਂ ਕੀਮਤਾਂ ਘਟਾ ਦਿੱਤੀਆਂ ਗਈਆਂ ਹਨ। ਜੋ ਬੋਤਲ ਪਹਿਲਾਂ 910 ਰੁਪਏ ਵਿੱਚ ਮਿਲਦੀ ਸੀ, ਉਸ ਦੀ ਕੀਮਤ ਹੁਣ 600 ਰੁਪਏ ਕਰ ਦਿੱਤੀ ਗਈ ਹੈ। ਨਵੀਆਂ ਕੀਮਤਾਂ ਦਰਜ ਕਰਨ ਦੀ ਸੂਚੀ ਜਾਰੀ ਕਰ ਦਿੱਤੀ ਗਈ ਹੈ, ਅਤੇ ਗੁਰਦਾਸਪੁਰ ਜ਼ਿਲ੍ਹੇ ‘ਚ ਇਹ ਕਟੌਤੀ ਤੁਰੰਤ ਲਾਗੂ ਹੋ ਚੁੱਕੀ ਹੈ।
ਸ਼ਰਾਬ ਦੇ ਸ਼ੌਕੀਨਾਂ ਲਈ ਰਾਹਤ
ਗੁਰਦਾਸਪੁਰ ਵਿੱਚ ਮਹਿੰਗੀ ਸ਼ਰਾਬ ਦੀ ਸਮੱਸਿਆ ਦੇ ਚਲਦੇ, ਬਹੁਤ ਸਾਰੇ ਲੋਕ ਹਿਮਾਚਲ ਅਤੇ ਚੰਡੀਗੜ੍ਹ ਤੋਂ ਸ਼ਰਾਬ ਖਰੀਦ ਰਹੇ ਸਨ। ਇਸ ਕਾਰਨ ਸਥਾਨਕ ਠੇਕੇਦਾਰਾਂ ਨੂੰ ਨੁਕਸਾਨ ਹੋ ਰਿਹਾ ਸੀ। ਨਵੀਆਂ ਕੀਮਤਾਂ ਦੇ ਨਾਲ, ਉਮੀਦ ਹੈ ਕਿ ਲੋਕ ਬਾਹਰੋਂ ਸ਼ਰਾਬ ਖਰੀਦਣ ਦੀ ਬਜਾਏ ਇਥੇ ਹੀ ਲੈਣਗੇ।
ਠੇਕੇਦਾਰਾਂ ਦੀ ਪ੍ਰਤੀਕਿਰਿਆ
ਸ਼ਰਾਬ ਦੇ ਠੇਕੇਦਾਰਾਂ ਨੇ ਕਿਹਾ ਕਿ ਨਵੀਆਂ ਕੀਮਤਾਂ ਨਾਲ ਗੁਰਦਾਸਪੁਰ ‘ਚ ਸ਼ਰਾਬ ਦੀ ਵਿਕਰੀ ਵਧੇਗੀ ਅਤੇ ਨਾਜਾਇਜ਼ ਸਮੱਗਲਿੰਗ ‘ਤੇ ਵੀ ਰੋਕ ਲੱਗੇਗੀ। ਠੇਕੇਦਾਰਾਂ ਦਾ ਕਹਿਣਾ ਹੈ ਕਿ ਸ਼ਰਾਬ ਦੀਆਂ ਘਟਾਈਆਂ ਕੀਮਤਾਂ ਨਾਲ ਮੌਜੂਦਾ ਨਾਜਾਇਜ਼ ਕਾਰੋਬਾਰ ‘ਤੇ ਵੀ ਸ਼ਿਕੰਜਾ ਕੱਸਿਆ ਜਾ ਸਕੇਗਾ।
ਨਵੀਆਂ ਕੀਮਤਾਂ ਸਾਰੇ ਜ਼ਿਲ੍ਹਿਆਂ ‘ਚ ਜਾਰੀ
ਗੁਰਦਾਸਪੁਰ ਦੇ ਇਲਾਵਾ ਪਠਾਨਕੋਟ ਜ਼ਿਲ੍ਹੇ ਦੇ ਸੁਜਾਨਪੁਰ ਵਿੱਚ ਵੀ ਸ਼ਰਾਬ ਦੀਆਂ ਕੀਮਤਾਂ ‘ਚ ਕਟੌਤੀ ਕੀਤੀ ਗਈ ਹੈ, ਜਿਸ ਨਾਲ ਠੇਕੇਦਾਰਾਂ ਦੀਆਂ ਅਮਦਨੀਆਂ ‘ਚ ਵਾਧਾ ਕਰਨ ਦੀ ਉਮੀਦ ਹੈ।
