ਪੰਜਾਬ ਦੇ 10ਵੀਂ ਤੇ 12ਵੀਂ ਪਾਸ ਨੌਜਵਾਨਾਂ ਲਈ ਵੱਡੀ ਖ਼ੁਸ਼ਖ਼ਬਰੀ

ਪੰਜਾਬ ਦੇ ਨੌਜਵਾਨਾਂ ਲਈ ਫੌਜ ਵਿੱਚ ਭਰਤੀ ਹੋਣ ਦਾ ਸੁਨਹਿਰੀ ਮੌਕਾ ਮੁਹੱਈਆ ਹੋਇਆ ਹੈ। ਜ਼ਿਲ੍ਹਾ ਰੁਜ਼ਗਾਰ ਅਫਸਰ ਮੈਡਮ ਵੈਸ਼ਾਲੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅਗਨੀਵੀਰ ਭਰਤੀ ਰੈਲੀ ਲਈ ਆਨਲਾਈਨ ਅਰਜ਼ੀ ਪੋਰਟਲ 10 ਅਪ੍ਰੈਲ 2025 ਤੱਕ ਖੁੱਲ੍ਹਾ ਰਹੇਗਾ।

ਭਰਤੀ ਲਈ ਕੰਪਿਊਟਰ ਬੇਸਡ ਲਿਖਤੀ ਇਮਤਿਹਾਨ ਜੂਨ 2025 ਵਿੱਚ ਹੋਵੇਗਾ, ਜੋ ਕਿ ਇਸ ਵਾਰ ਪੰਜਾਬੀ ਭਾਸ਼ਾ ਵਿੱਚ ਕਰਵਾਇਆ ਜਾਵੇਗਾ।

ਫਾਜ਼ਿਲਕਾ, ਫਿਰੋਜ਼ਪੁਰ, ਮੁਕਤਸਰ, ਫਰੀਦਕੋਟ ਅਤੇ ਮੋਗਾ ਜ਼ਿਲ੍ਹਿਆਂ ਦੇ ਜੋ ਨੌਜਵਾਨ ਅਗਨੀਵੀਰ ਫੌਜ ’ਚ ਭਰਤੀ ਹੋਣਾ ਚਾਹੁੰਦੇ ਹਨ, ਉਹ www.joinindianarmy.nic.in ’ਤੇ ਜਾ ਕੇ ਆਪਣੀ ਆਨਲਾਈਨ ਰਜਿਸਟ੍ਰੇਸ਼ਨ ਜਰੂਰ ਕਰਵਾਣ।

ਇਸ ਤੋਂ ਇਲਾਵਾ, ਉਮੀਦਵਾਰ ਸੀ-ਪਾਈਟ ਕੈਂਪ, ਹਕੂਮਤ ਸਿੰਘ ਵਾਲਾ (ਫਿਰੋਜ਼ਪੁਰ) ਵਿਖੇ ਲਿਖਤੀ ਇਮਤਿਹਾਨ ਦੀ ਤਿਆਰੀ ਲਈ ਰਿਪੋਰਟ ਕਰ ਸਕਦੇ ਹਨ।

ਕੈਂਪ ਟ੍ਰੇਨਿੰਗ ਅਫਸਰ ਕੈਪਟਨ ਗੁਰਦਰਸ਼ਨ ਸਿੰਘ ਨੇ ਦੱਸਿਆ ਕਿ ਕੈਂਪ ‘ਚ ਆਉਣ ਸਮੇਂ ਨੌਜਵਾਨ ਆਪਣੇ ਨਾਲ ਹੇਠ ਲਿਖੇ ਦਸਤਾਵੇਜ਼ ਲਿਆਉਣ:

• ਆਨਲਾਈਨ ਅਪਲਾਈ ਦੀ ਪ੍ਰਿੰਟ ਕਾਪੀ

• ਦਸਵੀਂ ਦਾ ਅਸਲ ਸਰਟੀਫਿਕੇਟ ਤੇ ਫੋਟੋ ਕਾਪੀ

• ਆਧਾਰ ਕਾਰਡ, ਜਾਤੀ ਸਰਟੀਫਿਕੇਟ, ਪੰਜਾਬ ਰਿਹਾਇਸ਼ ਪ੍ਰਮਾਣ ਪੱਤਰ

• ਬੈਂਕ ਖਾਤੇ ਦੀ ਫੋਟੋ ਕਾਪੀ

• 2 ਪਾਸਪੋਰਟ ਸਾਈਜ਼ ਫੋਟੋ

• ਇਕ ਪੈੱਨ, ਖਾਣ ਪੀਣ ਦੇ ਬਰਤਨ, ਅਤੇ ਰਹਿਣ ਲਈ ਬਿਸਤਰਾ

ਕੈਂਪ ‘ਚ ਸਵੇਰੇ 9 ਵਜੇ ਤੱਕ ਪਹੁੰਚਣਾ ਜ਼ਰੂਰੀ ਹੈ।

ਭਰਤੀ ਲਈ ਯੋਗਤਾ:

• ਉਮਰ: 17 ਤੋਂ 21 ਸਾਲ

• ਕੱਦ: 5 ਫੁੱਟ 7 ਇੰਚ

• ਛਾਤੀ: 77 ਸੈਂਟੀਮੀਟਰ (ਬਿਨਾਂ ਫੁਲਾਏ), 82 ਸੈਂਟੀਮੀਟਰ (ਫੁਲਾਏ ਹੋਏ)

• ਨਿਊਨਤਮ ਯੋਗਤਾ: 10ਵੀਂ 45% ਅੰਕਾਂ ਨਾਲ ਪਾਸ ਜਾਂ 10+2 ਪਾਸ

ਕੈਂਪ ਵਿੱਚ ਫਿਜ਼ੀਕਲ ਅਤੇ ਲਿਖਤੀ ਤਿਆਰੀ ਦੀ ਸਹੂਲਤ ਮੁਫ਼ਤ, ਅਤੇ ਖਾਣ-ਪੀਣ, ਰਹਿਣ-ਸਹਿਣ ਵੀ ਮੁਫ਼ਤ ਦਿੱਤੇ ਜਾਣਗੇ।

ਇਹ ਮੌਕਾ ਉਹ ਨੌਜਵਾਨ ਗਵਾ ਨਾ ਜਾਣ, ਜੋ ਫੌਜ ਵਿੱਚ ਭਵਿੱਖ ਬਣਾਉਣ ਦੀ ਇੱਛਾ ਰੱਖਦੇ ਹਨ।