ਜਲੰਧਰ ਦੇ ਮਸ਼ਹੂਰ ਉਦਯੋਗਪਤੀ ਨਿਤਿਨ ਕੋਹਲੀ ਆਮ ਆਦਮੀ ਪਾਰਟੀ ‘ਚ ਸ਼ਾਮਲ, ਮਿਲੀ ਵੱਡੀ ਜ਼ਿੰਮੇਵਾਰੀ
ਜਲੰਧਰ ਦੇ ਜਾਣੇ-ਮਾਣੇ ਉਦਯੋਗਪਤੀ ਨਿਤਿਨ ਕੋਹਲੀ ਅੱਜ ਆਮ ਆਦਮੀ ਪਾਰਟੀ ਵਿਚ ਸ਼ਾਮਲ ਹੋ ਗਏ। ਦਿੱਲੀ ਦੇ ਸਾਬਕਾ ਉਪ ਮੁੱਖ ਮੰਤਰੀ ਅਤੇ ਸੀਨੀਅਰ ਆਪ ਆਗੂ ਮਨੀਸ਼ ਸਿਸੋਦੀਆ ਅਤੇ ਪੰਜਾਬ ਦੇ ਮੰਤਰੀ ਅਮਨ ਅਰੋੜਾ ਦੀ ਮੌਜੂਦਗੀ ਵਿਚ ਉਨ੍ਹਾਂ ਨੇ ਪਾਰਟੀ ਦੀ ਸਦੱਸਤਾ ਲੀ।
ਇਹ ਨਿਯੁਕਤੀ ਐਸੇ ਸਮੇਂ ‘ਚ ਹੋਈ ਹੈ ਜਦੋਂ ਇਸ ਹਲਕੇ ‘ਚ ਨੈਤਿਕ ਅਗਵਾਈ ਦੀ ਘਾਟ ਮਹਿਸੂਸ ਕੀਤੀ ਜਾ ਰਹੀ ਸੀ, ਖ਼ਾਸ ਕਰਕੇ ਮੌਜੂਦਾ ਵਿਧਾਇਕ ਰਮਨ ਅਰੋੜਾ ਦੀ ਭ੍ਰਿਸ਼ਟਾਚਾਰ ਕੇਸ ‘ਚ ਗ੍ਰਿਫ਼ਤਾਰੀ ਤੋਂ ਬਾਅਦ। ਹਲਕਾ ਇੰਚਾਰਜ ਆਮ ਤੌਰ ‘ਤੇ ਪਾਰਟੀ ਦੇ ਜ਼ਮੀਨੀ ਨੁਮਾਇੰਦੇ ਹੋਣ ਦੇ ਨਾਲ ਨਾਲ ਵਿਕਾਸ ਕਾਰਜਾਂ ਦੀ ਅਗਵਾਈ ਕਰਦੇ ਹਨ ਅਤੇ ਆਮ ਤੌਰ ‘ਤੇ ਇਨ੍ਹਾਂ ਨੂੰ ਹੀ ਚੋਣਾਂ ‘ਚ ਟਿਕਟ ਦਿੱਤੀ ਜਾਂਦੀ ਹੈ।
ਕੌਣ ਹਨ ਨਿਤਿਨ ਕੋਹਲੀ?
ਨਿਤਿਨ ਕੋਹਲੀ ਜਲੰਧਰ ਦੇ ਇੱਕ ਪ੍ਰਮੁੱਖ ਉਦਯੋਗਪਤੀ ਵਜੋਂ ਜਾਣੇ ਜਾਂਦੇ ਹਨ। ਉਹ ਸਿਰਫ ਕਾਰੋਬਾਰ ਤੱਕ ਸੀਮਤ ਨਹੀਂ ਹਨ, ਸਗੋਂ ਖੇਡਾਂ, ਸਿੱਖਿਆ ਅਤੇ ਸਥਾਨਕ ਸਿਆਸਤ ‘ਚ ਵੀ ਆਪਣੀ ਵੱਖਰੀ ਪਹਚਾਣ ਬਣਾਈ ਹੈ।
ਨਿਤਿਨ ਕੋਹਲੀ ਨੂੰ ਹਾਕੀ ਨਾਲ ਖਾਸ ਲਗਾਅ ਹੈ। ਉਨ੍ਹਾਂ ਨੇ ਆਪਣੀ ਗ੍ਰੈਜੂਏਸ਼ਨ ਦੇ ਬਾਅਦ ਪਰਿਵਾਰਕ ਕਾਰੋਬਾਰ ‘ਵਿਜਯਾਂਤੀ’ ਨਾਲ ਜੁੜ ਕੇ ਹਾਕੀ ਬਣਾਉਣ ਵਾਲੀ ਇਹ ਵਿਰਾਸਤੀ ਕੰਪਨੀ ਨੂੰ ਨਵੀਂ ਉਚਾਈਆਂ ‘ਤੇ ਲਿਜਾਇਆ। ਉਨ੍ਹਾਂ ਦੀ ਖੇਡਾਂ ਪ੍ਰਤੀ ਵਫ਼ਾਦਾਰੀ ਦੇ ਕਾਰਨ ਉਨ੍ਹਾਂ ਨੂੰ ਹਾਕੀ ਪੰਜਾਬ ਦਾ ਸਾਂਝਾ ਸਕੱਤਰ ਨਿਯੁਕਤ ਕੀਤਾ ਗਿਆ, ਜਿਸ ਤੋ ਬਾਅਦ 2017 ਵਿੱਚ ਉਨ੍ਹਾਂ ਨੂੰ ਹਾਕੀ ਪੰਜਾਬ ਦਾ ਪ੍ਰਧਾਨ ਬਣਾਇਆ ਗਿਆ। ਹਾਲ ਹੀ ‘ਚ ਉਨ੍ਹਾਂ ਨੂੰ ਹਾਕੀ ਇੰਡੀਆ ਦੇ ਉਪ ਪ੍ਰਧਾਨ ਬਣਾਇਆ ਗਿਆ ਹੈ।
ਕਾਰੋਬਾਰਕ ਪੱਖੋਂ, ਕੋਹਲੀ ਹਾਈਕ ਸ਼ੂ ਪ੍ਰਾਈਵੇਟ ਲਿਮਟਿਡ ਦੇ ਮੈਨੇਜਿੰਗ ਡਾਇਰੈਕਟਰ ਹਨ ਅਤੇ ਪੰਜਾਬ ਲੈਦਰ ਫੈਡਰੇਸ਼ਨ ਦੇ ਚੇਅਰਮੈਨ ਦੇ ਤੌਰ ‘ਤੇ ਵੀ ਕੰਮ ਕਰ ਰਹੇ ਹਨ। ਉਨ੍ਹਾਂ ਦੀ ਸਥਾਪਿਤ ਕੀਤੀ ਹੋਈ ਸਪੋਰਟਸ ਸ਼ੂ ਬ੍ਰਾਂਡ ‘Tracer’ ਆਮ ਆਦਮੀ ਲਈ ਉੱਚ ਗੁਣਵੱਤਾ ਵਾਲੇ, ਆਧੁਨਿਕ ਅਤੇ ਆਰਾਮਦਾਇਕ ਫੁੱਟਵੇਅਰ ਉਪਲੱਬਧ ਕਰਵਾਉਣ ਦਾ ਉਦੇਸ਼ ਰੱਖਦੀ ਹੈ।
ਉਨ੍ਹਾਂ ਦੇ ਹੋਰ ਸੰਗਠਨਾਂ ਵਿੱਚ, ਨਿਤਿਨ ਕੋਹਲੀ SPORTTX (Sports and Toys Exporters Association) ਦੇ ਪ੍ਰਧਾਨ ਹਨ। ਇਹ ਸੰਗਠਨ ਖਿਡੌਣੇ ਅਤੇ ਖੇਡ ਉਤਪਾਦਕਾਂ ਦੇ ਹਿੱਤਾਂ ਦੀ ਪੁਰਜੋਰ ਅਗਵਾਈ ਕਰਦਾ ਹੈ।
ਸਿੱਖਿਆ ਖੇਤਰ ਵਿੱਚ ਵੀ ਨਿਤਿਨ ਕੋਹਲੀ ਦੀ ਦਿਲਚਸਪੀ ਹੈ। ਉਹ ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ (ਕੋ-ਐਡ), ਜਲੰਧਰ ਦੇ ਚੇਅਰਮੈਨ ਹਨ।
ਹਾਲਾਂਕਿ ਉਨ੍ਹਾਂ ਦੀ ਰਾਜਨੀਤਿਕ ਭੂਮਿਕਾ ਕਈ ਵਾਰ ਪਰਦੇ ਪਿੱਛੇ ਰਹੀ ਹੈ, ਪਰ ਉਨ੍ਹਾਂ ਦੀ ਸਿਆਸੀ ਸਮਝ ਅਤੇ ਵਿਰੋਧੀਆਂ ਨਾਲ ਵੀ ਸਹਿਯੋਗ ਦੀ ਯੋਗਤਾ ਨੇ ਉਨ੍ਹਾਂ ਨੂੰ ਸਭ ਪੱਖਾਂ ਤੋਂ ਆਦਰਯੋਗ ਬਣਾਇਆ ਹੈ।
ਜਲੰਧਰ ਸੈਂਟ੍ਰਲ ਹਲਕੇ ਦੇ ਨਵੇਂ ਹਲਕਾ ਇੰਚਾਰਜ ਵਜੋਂ ਨਿਤਿਨ ਕੋਹਲੀ ਦੀ ਨਿਯੁਕਤੀ ਨਿਸ਼ਚਤ ਤੌਰ ‘ਤੇ ਆਮ ਆਦਮੀ ਪਾਰਟੀ ਦੀ ਰਾਜਨੀਤਿਕ ਰਣਨੀਤੀ ਵਿੱਚ ਇੱਕ ਮਹੱਤਵਪੂਰਨ ਕਦਮ ਮੰਨੀ ਜਾ ਰਹੀ ਹੈ।