ਸੋਨੇ ਨੇ ਰਚਿਆ ਇਤਿਹਾਸ, ਜਾਣੋ ਕਿ ਹੈ ਨਵੀ ਕੀਮਤ

ਵਪਾਰਕ ਤਣਾਅ ਅਤੇ ਡਾਲਰ ਦੀ ਕਮਜ਼ੋਰੀ ਦੇ ਚਲਦੇ ਸੋਨੇ ਦੀਆਂ ਕੀਮਤਾਂ ਨੇ ਨਵੇਂ ਰਿਕਾਰਡ ਸੈੱਟ ਕਰ ਦਿੱਤੇ ਹਨ। 10 ਅਪ੍ਰੈਲ, 2025 ਨੂੰ MCX ‘ਤੇ 24 ਕੈਰਟ ਸੋਨਾ ਪਹਿਲੀ ਵਾਰ 92,000 ਰੁਪਏ ਪ੍ਰਤੀ 10 ਗ੍ਰਾਮ ਦੀ ਹੱਦ ਪਾਰ ਕਰ ਗਿਆ, ਜੋ ਕਿ ਹੁਣ ਤੱਕ ਦਾ ਸਭ ਤੋਂ ਉੱਚਾ ਭਾਅ ਹੈ। ਇਹ ਵਾਧਾ ਪਿਛਲੇ ਦਿਨ ਦੇ ਮੁਕਾਬਲੇ ਲਗਭਗ 2,000 ਰੁਪਏ (2%) ਤੋਂ ਵੱਧ ਦਾ ਹੈ।

ਅੰਤਰਰਾਸ਼ਟਰੀ ਮਾਰਕੀਟ ‘ਚ ਵੀ ਸੋਨੇ ਦੀ ਚਮਕ
ਸਪਾਟ ਗੋਲਡ ਦੀ ਕੀਮਤ 2.5% ਵੱਧ ਕੇ 3,158.28 ਡਾਲਰ ਪ੍ਰਤੀ ਔਂਸ ਹੋ ਗਈ, ਜਦਕਿ ਦਿਨ ਦੌਰਾਨ ਇਹ 3,171.49 ਡਾਲਰ ਦੇ ਇਤਿਹਾਸਕ ਪੱਧਰ ‘ਤੇ ਵੀ ਪਹੁੰਚੀ। ਅਮਰੀਕੀ ਗੋਲਡ ਫਿਊਚਰਸ 3.3% ਵਧ ਕੇ 3,179.4 ਡਾਲਰ ਹੋ ਗਿਆ।

ਕੀ ਹਨ ਵਾਧੇ ਦੇ ਮੁੱਖ ਕਾਰਨ?

• ਟੈਰਿਫ ਉਠਾਅ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਚੀਨ ‘ਤੇ ਟੈਰਿਫ 145% ਕਰ ਦਿੱਤਾ, ਜਿਸ ਨਾਲ ਵਪਾਰ ਯੁੱਧ ਦੀਆਂ ਚਿੰਤਾਵਾਂ ਵਧੀਆਂ।

• ਡਾਲਰ ਦੀ ਕਮਜ਼ੋਰੀ: ਡਾਲਰ ਇੰਡੈਕਸ 1% ਡਿੱਗ ਕੇ 101 ਤੋਂ ਹੇਠਾਂ ਆ ਗਿਆ, ਜਿਸ ਨਾਲ ਸੋਨਾ ਹੋਰ ਆਕਰਸ਼ਕ ਬਣਿਆ।

• ਕੇਂਦਰੀ ਬੈਂਕਾਂ ਦੀ ਖਰੀਦਦਾਰੀ: ਸোনੇ ਦੀ ਲਗਾਤਾਰ ਖਰੀਦ ਅਤੇ ETF ‘ਚ ਨਿਵੇਸ਼ ਵਧਣ ਕਾਰਨ ਭਾਵਾਂ ਨੂੰ ਸਮਰਥਨ ਮਿਲਿਆ।

ਹੋਰ ਕੀਮਤੀ ਧਾਤਾਂ ‘ਚ ਮਿਲੀ-ਜੁਲੀ ਚਲਣ

• ਚਾਂਦੀ: 0.6% ਘਟ ਕੇ 30.84 ਡਾਲਰ/ਔਂਸ

• ਪਲੈਟੀਨਮ: 0.7% ਘਟ ਕੇ 931.78 ਡਾਲਰ/ਔਂਸ

• ਪੈਲੇਡੀਅਮ: 1.6% ਘਟ ਕੇ 916 ਡਾਲਰ/ਔਂਸ

ਸੋਨੇ ਦੀ ਚਮਕ ਨੇ ਨਿਵੇਸ਼ਕਾਂ ਨੂੰ ਇਕ ਵਾਰ ਫਿਰ ਸੁਰੱਖਿਅਤ ਨਿਵੇਸ਼ ਵੱਲ ਰੁਝਾਣ ਦਿਖਾਇਆ ਹੈ। ਅਮਰੀਕਾ-ਚੀਨ ਵਪਾਰ ਯੁੱਧ, ਡਾਲਰ ਦੀ ਕਮਜ਼ੋਰੀ ਅਤੇ ਵਿਆਜ ਦਰਾਂ ‘ਚ ਕਟੌਤੀ ਦੀ ਉਮੀਦ ਨੇ ਸੋਨੇ ਨੂੰ ਨਵੀਆਂ ਉੱਚਾਈਆਂ ਦਿਵਾਈਆਂ ਹਨ।