1 ਅਪ੍ਰੈਲ 2025 ਤੋਂ ਲੋਨ ਨਿਯਮਾਂ ਵਿੱਚ ਵੱਡਾ ਬਦਲਾਅ, ਇਨ੍ਹਾਂ ਲੋਕਾਂ ਨੂੰ ਹੋਵੇਗਾ ਲਾਭ

ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਤਰਜੀਹੀ ਖੇਤਰ ਲੋਨ (PSL) ਨਾਲ ਸੰਬੰਧਤ ਨਵੇਂ ਨਿਯਮ ਜਾਰੀ ਕੀਤੇ ਹਨ, ਜੋ 1 ਅਪ੍ਰੈਲ 2025 ਤੋਂ ਲਾਗੂ ਹੋਣਗੇ। ਇਹ ਬਦਲਾਅ ਛੋਟੇ ਕਰਜ਼ਦਾਰਾਂ ਨੂੰ ਰਾਹਤ ਦੇਣ ਅਤੇ ਬੈਂਕਾਂ ਦੀ ਪਾਰਦਰਸ਼ਤਾ ਵਧਾਉਣ ਲਈ ਕੀਤੇ ਗਏ ਹਨ।

ਨਵੇਂ ਨਿਯਮਾਂ ਦੇ ਮੁੱਖ ਨੁਕਤੇ:

ਛੋਟੇ ਕਰਜ਼ਿਆਂ ‘ਤੇ ਵਾਧੂ ਚਾਰਜ ਨਹੀਂ – 50,000 ਰੁਪਏ ਤੱਕ ਦੇ ਕਰਜ਼ਿਆਂ ‘ਤੇ ਬੈਂਕ ਕੋਈ ਸਰਵਿਸ ਜਾਂ ਇੰਸਪੈਕਸ਼ਨ ਚਾਰਜ ਨਹੀਂ ਲੈ ਸਕਣਗੇ।

ਹੋਮ ਲੋਨ ਸੀਮਾ ਵਧੀ – ਵੱਡੇ ਸ਼ਹਿਰਾਂ ਵਿੱਚ 50 ਲੱਖ ਰੁਪਏ ਅਤੇ ਛੋਟੇ ਸ਼ਹਿਰਾਂ ਵਿੱਚ 35 ਲੱਖ ਰੁਪਏ ਤੱਕ ਦੇ ਹੋਮ ਲੋਨ PSL ‘ਚ ਸ਼ਾਮਲ ਹੋਣਗੇ।

ਬੈਂਕਾਂ ਲਈ ਨਵੀਆਂ ਸ਼ਰਤਾਂ – ਬੈਂਕਾਂ ਨੂੰ ਹੁਣ ਤਿਮਾਹੀ ਅਤੇ ਸਾਲਾਨਾ PSL ਲੋਨ ਰਿਪੋਰਟ ਜਮ੍ਹਾਂ ਕਰਨੀ ਪਵੇਗੀ।

ਗੋਲਡ ਲੋਨ PSL ‘ਚ ਨਹੀਂ ਆਵੇਗਾ – ਗੈਰ-ਬੈਂਕਿੰਗ ਵਿੱਤੀ ਕੰਪਨੀਆਂ (NBFCs) ਤੋਂ ਖਰੀਦੇ ਗਏ ਸੋਨੇ ਦੇ ਗਹਿਣਿਆਂ ‘ਤੇ PSL ਦੇ ਤਹਿਤ ਲੋਨ ਨਹੀਂ ਮਿਲੇਗਾ।

ਕਿਸ ਨੂੰ ਹੋਵੇਗਾ ਫ਼ਾਇਦਾ?

ਛੋਟੇ ਕਾਰੋਬਾਰੀ ਅਤੇ ਖੇਤੀਬਾੜੀ ਲੋਨ ਲੈਣ ਵਾਲੇ
ਘੱਟ ਆਮਦਨੀ ਵਾਲੇ ਪਰਿਵਾਰ, ਜੋ ਹੋਮ ਲੋਨ ਲੈਣ ਦੀ ਯੋਜਨਾ ਬਣਾ ਰਹੇ ਹਨ
PSL ਦੇ ਤਹਿਤ ਸਿੱਖਿਆ ਅਤੇ ਸਮਾਜਿਕ ਸਕੀਮਾਂ ਲਈ ਲੋਨ ਲੈਣ ਵਾਲੇ

ਕੁਝ ਹੋਰ ਮਹੱਤਵਪੂਰਨ ਤੱਥ:

• PSL ਦੇ ਤਹਿਤ ਬੈਂਕਾਂ ਨੂੰ ਖੇਤੀ, ਸਿੱਖਿਆ, ਮੱਛੀਪਾਲਣ, ਸਮਾਜ ਦੇ ਕਮਜ਼ੋਰ ਵਰਗਾਂ ਲਈ ਨਿਰਧਾਰਤ ਹਿੱਸਾ ਕਰਜ਼ੇ ਦੇਣ ਦੀ ਲੋੜ ਹੋਵੇਗੀ।

• ਨਵੇਂ ਨਿਯਮਾਂ ਨਾਲ ਹੋਮ ਲੋਨ ਲੈਣ ਵਾਲਿਆਂ ਨੂੰ ਵਧੇਰੀ ਰਾਹਤ ਮਿਲੇਗੀ।

• ਬੈਂਕਾਂ ਨੂੰ ਹੁਣ ਵਧੇਰੀ ਪਾਰਦਰਸ਼ਤਾ ਦੇਖਾਉਣੀ ਪਵੇਗੀ।

ਇਹ ਤਬਦੀਲੀਆਂ ਬੈਂਕਿੰਗ ਖੇਤਰ ਵਿੱਚ ਨਵਾਂ ਇਨਕਲਾਬ ਲਿਆਉਣਗੀਆਂ ਅਤੇ ਲੋੜਵੰਦ ਲੋਕਾਂ ਨੂੰ ਵਧੇਰੇ ਵਿੱਤੀ ਸਹੂਲਤਾਂ ਮਿਲਣਗੀਆਂ।