ਪੰਜਾਬ ਸਰਕਾਰ ਵੱਲੋਂ ਗਰੀਬ ਪਰਿਵਾਰਾਂ ਲਈ ਵੱਡੀ ਸਹਾਇਤਾ, ਹੁਣ ਮਿਲਣਗੇ ₹20,000
ਪੰਜਾਬ ਸਰਕਾਰ ਵੱਲੋਂ ਗਰੀਬ ਪਰਿਵਾਰਾਂ ਦੀ ਮਦਦ ਲਈ ਰਾਸ਼ਟਰੀ ਪਰਿਵਾਰਿਕ ਲਾਭ ਸਕੀਮ ਤਹਿਤ ਵੱਡਾ ਫ਼ੈਸਲਾ ਲਿਆ ਗਿਆ ਹੈ। ਸਮਾਜਿਕ ਸੁਰੱਖਿਆ, ਇਸਤਰੀ ਅਤੇ ਬਾਲ ਵਿਕਾਸ ਮੰਤਰੀ ਡਾ. ਬਲਜੀਤ ਕੌਰ ਨੇ ਦੱਸਿਆ ਕਿ ਘਰ ਦੇ ਕਮਾਊ ਮੁੱਖੀ ਦੀ ਮੌਤ ਹੋਣ ‘ਤੇ ਪਰਿਵਾਰ ਨੂੰ ₹20,000 ਦੀ ਵਿੱਤੀ ਸਹਾਇਤਾ ਦਿੱਤੀ ਜਾਵੇਗੀ।
ਇਹ ਪਰਿਵਾਰ ਲੈ ਸਕਦੇ ਹਨ ਸਕੀਮ ਦਾ ਲਾਭ
✔ ਕੁਦਰਤੀ ਜਾਂ ਹੋਰ ਕਾਰਨਾਂ ਕਰਕੇ ਮੌਤ ਹੋਣ ‘ਤੇ ਇਹ ਮਦਦ ਪ੍ਰਾਪਤ ਹੋ ਸਕਦੀ ਹੈ।
✔ 18 ਤੋਂ 60 ਸਾਲ ਉਮਰ ਦੇ ਕਮਾਊ ਮੁੱਖੀ ਦੀ ਮੌਤ ਹੋਣ ‘ਤੇ ਹੀ ਯੋਗਤਾ ਬਣੇਗੀ।
✔ ਪਰਿਵਾਰ ‘ਚ ਪਤੀ-ਪਤਨੀ, ਛੋਟੇ ਬੱਚੇ, ਅਣਵਿਆਹੀਆਂ ਲੜਕੀਆਂ, ਆਸ਼ਰਿਤ ਮਾਤਾ-ਪਿਤਾ ਸ਼ਾਮਲ।
✔ ਅਣਵਿਆਹੇ ਵਿਅਕਤੀ ਦੀ ਮੌਤ ਹੋਣ ‘ਤੇ, ਉਸ ਦੇ ਆਸ਼ਰਿਤ ਮਾਤਾ-ਪਿਤਾ ਜਾਂ ਛੋਟੇ ਭਰਾ/ਭੈਣ ਨੂੰ ਵੀ ਇਹ ਰਕਮ ਮਿਲੇਗੀ।
✔ ਕੋਈ ਮਹਿਲਾ ਜੇਕਰ ਘਰ ਦੀ ਆਮਦਨ ਦਾ ਸਰੋਤ ਹੈ, ਤਾਂ ਉਹ ਵੀ ਕਮਾਊ ਮੁੱਖੀ ਮੰਨੀ ਜਾਵੇਗੀ।
ਯੋਗਤਾ ਅਤੇ ਲਾਗੂ ਹੋਣ ਵਾਲੀ ਸ਼ਰਤਾਂ
✔ 2011 ਦੀ ਜਨਗਣਨਾ ਅਨੁਸਾਰ, ਗਰੀਬੀ ਰੇਖਾ ਹੇਠਾਂ ਜਾਂ ਸਮਾਜਿਕ-ਆਰਥਿਕ ਜਾਤੀ ਸਵੈਖਿਆਤ ਪਰਿਵਾਰ ਹੀ ਇਸ ਯੋਜਨਾ ਦਾ ਲਾਭ ਲੈ ਸਕਦੇ ਹਨ।
✔ ਜਿਲ੍ਹਾ ਸਮਾਜਿਕ ਸੁਰੱਖਿਆ ਅਫ਼ਸਰ ਨਾਲ ਸੰਪਰਕ ਕਰਕੇ ਇਸ ਸਕੀਮ ਅਧੀਨ ਮਦਦ ਲਈ ਅਰਜ਼ੀ ਦਿੱਤੀ ਜਾ ਸਕਦੀ ਹੈ।
ਮੰਤਰੀ ਡਾ. ਬਲਜੀਤ ਕੌਰ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਇਹ ਵੱਡਾ ਕਦਮ ਗਰੀਬ ਪਰਿਵਾਰਾਂ ਦੀ ਆਰਥਿਕ ਮਦਦ ਲਈ ਉਠਾਇਆ ਗਿਆ ਹੈ। ਇਸ ਸਕੀਮ ਨਾਲ ਉਹ ਪਰਿਵਾਰ ਜਿਨ੍ਹਾਂ ਨੇ ਆਪਣੇ ਕਮਾਊ ਮੁੱਖੀ ਨੂੰ ਗੁਆ ਲਿਆ ਹੈ, ਉਹ ਵਿੱਤੀ ਤੌਰ ‘ਤੇ ਮਜ਼ਬੂਤ ਬਣ ਸਕਣਗੇ।