Apple ਦੇ ਇਹ ਪੁਰਾਣੇ ਮਾਡਲ ਹੋ ਸਕਦੇ ਹਨ ਬੰਦ! iPhone 16 ਲਾਂਚ ਹੋਣ ਤੋਂ ਬਾਅਦ ਆ ਸਕਦਾ ਹੈ ਫ਼ੈਸਲਾ
Apple 9 ਸਤੰਬਰ 2024 ਨੂੰ iPhone 16 ਸੀਰੀਜ਼ ਲਾਂਚ ਕਰਨ ਜਾ ਰਿਹਾ ਹੈ, ਜਿਸ ਦੇ ਨਾਲ ਹੀ ਕੁਝ ਪੁਰਾਣੇ ਮਾਡਲਾਂ ਨੂੰ ਬੰਦ ਕੀਤਾ ਜਾ ਸਕਦਾ ਹੈ। ਇਹ ਸਮਾਗਮ ਰਾਤ 10:30 ਵਜੇ ਸ਼ੁਰੂ ਹੋਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ iPhone 16 ਦੇ ਲਾਂਚ ਹੋਣ ਤੋਂ ਬਾਅਦ, ਕੰਪਨੀ ਆਪਣੇ iPhone 15 Pro ਅਤੇ iPhone 15 Pro Max ਮਾਡਲਾਂ ਨੂੰ ਬੰਦ ਕਰ ਸਕਦੀ ਹੈ।
MacRumors ਦੀ ਇੱਕ ਰਿਪੋਰਟ ਦੇ ਮੁਤਾਬਕ, Apple ਇਸ ਇਵੈਂਟ ਦੇ ਬਾਅਦ AirPods 2 ਅਤੇ AirPods 3 ਨੂੰ ਵੀ ਹਮੇਸ਼ਾ ਲਈ ਬੰਦ ਕਰ ਸਕਦਾ ਹੈ, ਕਿਉਂਕਿ ਕੰਪਨੀ ਆਪਣਾ ਨਵਾਂ AirPods 4 ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਇਸਦੇ ਦੋ ਵੇਰੀਐਂਟ ਆਉਣ ਦੀ ਸੰਭਾਵਨਾ ਹੈ, ਇੱਕ AirPods 2 ਅਤੇ ਦੂਜਾ AirPods 3 ਦੀ ਥਾਂ ਲਵੇਗਾ।
ਹਾਲਾਂਕਿ, iPhone 16 ਦੇ ਲਾਂਚ ਤੋਂ ਬਾਅਦ, iPhone 13 ਦੀ ਵਿਕਰੀ ਬੰਦ ਹੋਣ ਦੀ ਸੰਭਾਵਨਾ ਵੀ ਜ਼ਾਹਰ ਕੀਤੀ ਜਾ ਰਹੀ ਹੈ, ਕਿਉਂਕਿ ਇਹ ਐਪਲ ਦਾ ਮੌਜੂਦਾ ਸਭ ਤੋਂ ਪੁਰਾਣਾ ਮਾਡਲ ਹੈ। Apple ਪਿਛਲੇ ਲਾਂਚਾਂ ਦੇ ਦੌਰਾਨ ਵੀ ਆਪਣੇ ਪੁਰਾਣੇ ਮਾਡਲ ਬੰਦ ਕਰ ਚੁੱਕਾ ਹੈ, ਜਿਵੇਂ ਕਿ iPhone 13 Mini ਨੂੰ iPhone 14 ਦੇ ਲਾਂਚ ਤੋਂ ਬਾਅਦ ਬੰਦ ਕੀਤਾ ਗਿਆ ਸੀ।