14 ਫਰਵਰੀ 2019: ਭਾਰਤ ਦਾ ਕਾਲਾ ਦਿਨ, ਜਦੋਂ ਪੁਲਵਾਮਾ ‘ਚ ਸ਼ਹੀਦ ਹੋਏ 40 ਜਵਾਨ
14 ਫਰਵਰੀ 2019 ਨੂੰ ਭਾਰਤ ਨੇ ਇੱਕ ਭਿਆਨਕ ਅੱਤਵਾਦੀ ਹਮਲਾ ਦੇਖਿਆ, ਜਿਸ ਵਿੱਚ ਜੰਮੂ-ਸ਼੍ਰੀਨਗਰ ਹਾਈਵੇ ‘ਤੇ CRPF ਦੇ ਕਾਫਲੇ ‘ਤੇ ਆਤਮਘਾਤੀ ਹਮਲਾ ਕੀਤਾ ਗਿਆ। ਇਸ ਹਮਲੇ ‘ਚ 40 ਜਵਾਨ ਸ਼ਹੀਦ ਹੋ ਗਏ। ਪਾਕਿਸਤਾਨ ਆਧਾਰਤ ਜੈਸ਼-ਏ-ਮੁਹੰਮਦ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ।
ਪੰਜਾਬ ਦੇ ਵੀ 4 ਪੁੱਤ ਸ਼ਹੀਦ
✦ ਮਨਜਿੰਦਰ ਸਿੰਘ – ਗੁਰਦਾਸਪੁਰ (ਦੀਨਾਨਗਰ)
✦ ਜੈਮਲ ਸਿੰਘ – ਮੋਗਾ (ਕਾਫਲੇ ਦੀ ਬੱਸ ਚਲਾ ਰਿਹਾ ਸੀ)
✦ ਸੁਖਜਿੰਦਰ ਸਿੰਘ – ਤਰਨਤਾਰਨ (ਗੰਡੀਵਿੰਡ ਧੱਤਲ)
✦ ਕੁਲਵਿੰਦਰ ਸਿੰਘ – ਰੂਪਨਗਰ (ਰੌਲੀ ਪਿੰਡ)
300 ਕਿਲੋ ਵਿਸਫੋਟਕ ਨਾਲ ਕੀਤਾ ਗਿਆ ਸੀ ਹਮਲਾ
ਅੱਤਵਾਦੀਆਂ ਨੇ 300 ਕਿਲੋ RDX ਭਰੇ ਵਾਹਨ ਨਾਲ CRPF ਦੀ ਬੱਸ ‘ਚ ਟੱਕਰ ਮਾਰੀ, ਜਿਸ ਨਾਲ ਜਵਾਨ ਸ਼ਹੀਦ ਹੋ ਗਏ। ਹਮਲਾਵਰ ਆਦਿਲ ਅਹਿਮਦ ਡਾਰ ਸੀ, ਜਿਸ ਨੇ ਪੁਲਵਾਮਾ ਦੇ ਲੇਥਪੋਰਾ ‘ਚ ਇਹ ਹਮਲਾ ਕੀਤਾ।
ਭਾਰਤ ਨੇ ਇੰਝ ਲਿਆ ਬਦਲਾ – ਬਾਲਾਕੋਟ ਏਅਰ ਸਟ੍ਰਾਈਕ
26 ਫਰਵਰੀ 2019 ਨੂੰ ਭਾਰਤੀ ਹਵਾਈ ਫ਼ੌਜ ਦੇ 12 ਮਿਰਾਜ 2000 ਲੜਾਕੂ ਜਹਾਜ਼ ਨੇ ਪਾਕਿਸਤਾਨ ਦੇ ਬਾਲਾਕੋਟ ‘ਚ ਜੈਸ਼-ਏ-ਮੁਹੰਮਦ ਦੇ ਟਿਕਾਣਿਆਂ ‘ਤੇ 1000 ਕਿਲੋ ਬੰਬ ਵਰ੍ਹਾਏ। 300 ਤੋਂ ਵੱਧ ਅੱਤਵਾਦੀ ਮਾਰੇ ਗਏ।
NIA ਦੀ ਜਾਂਚ ਅਤੇ ਚਾਰਜਸ਼ੀਟ
NIA ਨੇ 13,500 ਪੰਨਿਆਂ ਦੀ ਚਾਰਜਸ਼ੀਟ ਦਾਖਲ ਕੀਤੀ, ਜਿਸ ‘ਚ ਸੱਜਾਦ ਭੱਟ, ਮੁਦਾਸਿਰ ਅਹਿਮਦ ਖਾਨ ਅਤੇ ਹੋਰ ਅੱਤਵਾਦੀ ਹਮਲੇ ‘ਚ ਦੋਸ਼ੀ ਪਾਏ ਗਏ। ਬਾਅਦ ਵਿੱਚ ਭਾਰਤੀ ਫ਼ੌਜ ਨੇ ਉਨ੍ਹਾਂ ਨੂੰ ਮਾਰ ਦਿੱਤਾ।
ਪ੍ਰਧਾਨ ਮੰਤਰੀ ਮੋਦੀ ਨੇ NSA ਅਜੀਤ ਡੋਵਾਲ ਨੂੰ ਜ਼ਿੰਮੇਵਾਰੀ ਦਿੱਤੀ
ਪੁਲਵਾਮਾ ਹਮਲੇ ਤੋਂ ਬਾਅਦ PM ਨਰਿੰਦਰ ਮੋਦੀ ਨੇ NSA ਅਜੀਤ ਡੋਵਾਲ ਅਤੇ ਹਵਾਈ ਸੈਨਾ ਮੁਖੀ B.S. ਧਨੋਆ ਨੂੰ ਬਦਲੇ ਦੀ ਯੋਜਨਾ ਬਣਾਉਣ ਲਈ ਕਿਹਾ।
ਅੱਜ, 14 ਫਰਵਰੀ 2025, ਇਸ ਹਮਲੇ ਦੀ 6ਵੀਂ ਬਰਸੀ ‘ਤੇ ਅਸੀਂ ਸ਼ਹੀਦ ਜਵਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਦੇ ਹਾਂ।