ਪੰਜਾਬ ਪੁਲਸ ‘ਚ 10 ਹਜ਼ਾਰ ਨਵੀਆਂ ਭਰਤੀਆਂ, ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਵੱਡਾ ਐਲਾਨ
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅੱਜ ਪੁਲਸ ਅਧਿਕਾਰੀਆਂ ਨਾਲ ਹਾਈ-ਲੈਵਲ ਮੀਟਿੰਗ ਕਰਕੇ ਕਈ ਵੱਡੇ ਫ਼ੈਸਲੇ ਲਏ। ਡੀ.ਜੀ.ਪੀ. ਗੌਰਵ ਯਾਦਵ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੁਲਸ ਵਿਭਾਗ ‘ਚ 10 ਹਜ਼ਾਰ ਪੋਸਟਾਂ ‘ਤੇ ਨਵੀਂ ਭਰਤੀ ਜਲਦੀ ਕੀਤੀ ਜਾਵੇਗੀ।
ਲਾਅ ਐਂਡ ਆਰਡਰ ‘ਤੇ ਫੋਕਸ, ਨਸ਼ਿਆਂ ਖ਼ਿਲਾਫ਼ ਕਾਰਵਾਈ
ਮੁੱਖ ਮੰਤਰੀ ਨੇ ਨਸ਼ਿਆਂ, ਡਰੱਗਜ਼ ਅਤੇ ਭ੍ਰਿਸ਼ਟਾਚਾਰ ‘ਤੇ ਕੰਟਰੋਲ ਲਈ ਸਖ਼ਤ ਹੁਕਮ ਜਾਰੀ ਕੀਤੇ। ਉਨ੍ਹਾਂ ਸਾਰੇ ਐੱਸ.ਐੱਸ.ਪੀਜ਼ ਨੂੰ ਫੀਲਡ ‘ਚ ਜ਼ਿਆਦਾ ਸਮਾਂ ਬਤਾਉਣ, ਥਾਣਿਆਂ ਦੀ ਚੈਕਿੰਗ ਕਰਨ ਅਤੇ ਲੋਕਾਂ ਨਾਲ ਮੀਟਿੰਗ ਕਰਨ ਦੇ ਨਿਰਦੇਸ਼ ਦਿੱਤੇ।
ਝੂਠੇ ਪਰਚਿਆਂ ‘ਤੇ ਹੋਵੇਗੀ ਨਿਰਪੱਖ ਜਾਂਚ
ਮੁੱਖ ਮੰਤਰੀ ਨੇ ਝੂਠੇ ਪਰਚਿਆਂ ‘ਤੇ ਵੀ ਚਿੰਤਾ ਜਤਾਈ ਅਤੇ ਨਿਰਪੱਖ ਜਾਂਚ ਦੇ ਹੁਕਮ ਦਿੱਤੇ। ਐੱਮ.ਐੱਲ.ਆਰਜ਼ ਵੀ ਮੈਰਿਟ ‘ਤੇ ਬਣਾਉਣ ਦੀ ਸਿਹਤ ਵਿਭਾਗ ਨੂੰ ਹਦਾਇਤ ਜਾਰੀ ਹੋਈ।
ਪੁਲਸ ਵਿਭਾਗ ਨੂੰ ਨਵੀਂ ਫਲੀਟ, ਖ਼ਤਰਨਾਕ ਕੈਦੀਆਂ ਲਈ ਮਾਡਰਨ ਜੇਲ੍ਹ
ਪੰਜਾਬ ਪੁਲਸ ਦੀ ਫਲੀਟ ਨੂੰ ਅਪਗ੍ਰੇਡ ਕਰਦਿਆਂ ਐੱਚ.ਐੱਸ.ਓਜ਼. ਨੂੰ ਨਵੀਆਂ ਗੱਡੀਆਂ ਦਿੱਤੀਆਂ ਜਾਣਗੀਆਂ। ਖ਼ਤਰਨਾਕ ਕੈਦੀਆਂ ਨੂੰ ਰੱਖਣ ਲਈ ਮਾਡਰਨ ਜੇਲ੍ਹ ਬਣਾਈ ਜਾਵੇਗੀ।
ਨਸ਼ਾ ਵੇਚਣ ਵਾਲਿਆਂ ‘ਤੇ ਸਖ਼ਤ ਕਾਰਵਾਈ
ਪੁਲਸ ਵਿਭਾਗ ਨਸ਼ਾ ਵੇਚਣ ਵਾਲਿਆਂ ‘ਤੇ ਕੁਝ ਵੀ ਹੋਇਆ, ਬਖ਼ਸ਼ਿਆ ਨਹੀਂ ਜਾਵੇਗਾ ਦੀ ਨੀਤੀ ‘ਤੇ ਕੰਮ ਕਰੇਗਾ। ਮੁੱਖ ਮੰਤਰੀ ਮਾਨ ਨੇ ਪ੍ਰੋਫੈਸ਼ਨਲ ਪੁਲੀਸਿੰਗ ਨੂੰ ਹੋਰ ਮਜ਼ਬੂਤ ਕਰਨ ‘ਤੇ ਜ਼ੋਰ ਦਿੱਤਾ।